SBU MAMBA
EzikaMagebhula ezagebhula umhlaba kaMasipala i-Orlando Pirates izobhekana nezinsizwa zase Kapa i Stellenbosch F.C ezikhiphe kabuhlungu Amasandawana iMamelodi Sundowns kuma Semi-Finals alomqhudelwano weMTN 8. Abathandi bebhola bebefuna kube yi Sundowns ne Pirates kuma Finals eMTN 8 kodwa abafana be Stellies bathi lutho eLuthela bayigugisa iSundowns ngompentshisi.
IPirates esefomini kulezinsuku izigwazele ibhece ku Capetown City , Amabhakabha atalabhe i-City ngo 3-1 badlulela kuma Finals eMTN 8, Ezimnyama zinomqeqeshi osezingeni eliphezulu futhi onenhlanhla yokuwina izicoco , uJose Riviero zimhambela kahle izinto eMayfair usethubeni lokunqoba lomqhudelwano weMTN 8 amahlandla amathathu kulandelana , kanti usezakhele nogazi kubalandeli be Pirates ngokubawinela izindebe njalo ngesizini naku Ligi uqede endaweni yesibili wangena kuChamipons League.
Umqeqeshi obhekwe yisambane uManqoba Mngqithi oshaywe kabili yi Stellenbotch, iStellis simshaye ekhaya eLucas Moripe Stadium emlenzeni wokuqala saphinde sambhaxabula naseMoses Mabhida Stadium eThekwini ngesonto emlenzeni wesibili . Bathukuthele bayaveva abalandeli baMasandawana bathi wayengcono kabi uRulani Mokwena , njengoba, beshiye abangalazi ezinkundleni zokuxhumana bekhala nangesitayela ezidlalwa yiSundowns ngaphansi kobuholi buka Mqithi bathi iSundowns ibidlala ibhola elisezingeni eliphezulu ngesizini edlule kodwa manje idlalisa kwezimfunda makhwela , abanye bathi akulandwe uPitso Mosimane oqeqesha eSaudi Arabia .
UMqithi uthathe izintambo kuRulani Mokwena ozitholele amadlelo aluhlaza ku Wydad Casablanca yase Morocco , ngaphansi kobuholi buka Mokwena i Sundowns ikwazile ukunqoba iligi yangena kuChampions League.
