UPhilile Doyisa imbongi yobuciko ozinze endaweni yaseMlazi kaY ePhilani.Ufisa ukudlulisa ukubonga okukhulu kumaspala weTheku ngokubanikeza ithuba lokuveza ubunyonicho nobuchule babo njengabayahi bezinkondlo abasafufusa.
UAmthande Mpepanduku ohlala eGermiston Edukathole ongowokudabuka e Mount Ayliff e Mrwaqa eEastern Cape owaziwa ngelika Amthande youngnora ongumculi wama piano abuye abe yinxusa le Velcro Clothing oqale ukucula ngonyaka ka 2016 Une EP esihloko esithi Inxeba eyenziwe ngaphansi kwesandla Double Geez okuyiyona eshisa izikhotha njengamanje eyathengisa ubuthaphuthaphu emakhele negama elihle kakhulu.
UMgqibelo womhlaka 4 Novemba kube ubusuku obungeke bukhohlakale emqondweni wabathandi bomculo weJazz, ngenxa yethalente elikhonjiswe izingwazi zomculo weJazz ebeliholwa uVukani Cele, ehambisana noLinda Sikhakhane, Thammy Mdluli, kanye noBrenda Mtambo beqhulula izingoma zabo ezishiye izihambeli zibheme zakholwa ngenxa yobumnandi bazo.
UNdunankulu waKwaZulu-Natali uMhlonishwa uNomusa Dube-Ncube ngokubambisana noNgqongqoshe wezokuThutha, nezokuPhepha koMphakathi uMhlonishwa uSipho Hlomuka wethule uhlelo Integrated Festive Season and Safety eHammarsdale ngoLwesibili lomhlaka 7 Novemba. Lapha ubehambisana noMeya weTheku ukhansela uMxolisi Kaunda kanye noNgqongqoshe wezeMpilo uNomagugu Simelane.
Uhlelo lwalo nyaka lwama SAMA luthembisa ukuthi kuzoba umgubho othokozisayo wokuphumelela emculweni wesizwe uma izinhla ezihlonishwayo zabaqokiwe ezigabeni zonyaka zingaba khona.
Babalelwa ku 60 oMasipala abakweleta inkampani yakwaEskom ngogesi asebefake isicelo sokubonelelwa ngezikweletu zabo. Lokhu kudalulwe uNgqongqoshe wezeziMali kuleli uMnu Enoch Godongwane ngesikhathi ethula isitatimende saphakathi nonyaka seSabelomali ePhalamende ngoLwesithathu olwedlule.
Kukhuthazwa abantu abakhubazekile ukuthi bafake izikhalazo zabo mayelana nezicelo zabo zesibonelelo sokukhubazeka ezingaphumelelanga. Lokhu kudalulwe isitatimende seSANews, lapho sithe umuntu okhubazekile unelungelo lokufaka isikhalazo sakhe ezinsukwini ezingu-90 emva kokuthola impendulo echitha isicelo sakhe, futhi okhubazekile unelungelo lokufuna incazelo kubasebenzi bakwaSASSA .
Njengoba inyanga kaNovemba kusukela ngomhlaka 3 kuya kumhlaka 3 Disemba kubungazwa kuphinde kuqhutshwe umkhankaso wokuqwashisa umphakathi ngamalungelo abantu abakhubazekile.UNgqongqoshe obhekele Abesifazane, Intsha abantu abakhubazekile,uDktl Nkosazane Dlamini-Zuma, usememe abantu bakuleli okuhlanganisa izinhlangano zomphakathi ezahlukene ukuthi babambe iqhaza lokuqwashisa mayelana nokubaluleka kokuhlonipha amalungelo abantu abakhubazekile.
Abahwebi basemgwaqeni abadayisa eHostela laseWema bajabulele ithuba lokufundiswa ngemigudu okumele bayilandele uma bevula amabhizinisi adayisa ukudla nokuthi kumele bakuphathe kanjani ukudla ezindaweni abaphekela kuzona.
Amathimba ezinhlaka ezahlukene zikaMasipala weTheku asanda kuba nomkhankaso wasebusuku lapho egasele khona izakhiwo eziyinkinga enkabeni yeDolobha.Ngokombiko ocashunwe ekhasini lika Facebook loMkhandlu weTheku, uthi lokhu kuhambisana nohlelo i-Operation Good Hope okuhloswe ngalo ukukhuculula iTheku.
