UMengameli weqembu le United Democratic Party (UDM) uGeneral Bantu Holomisa wethembise ukwenza konke okusemandleni ukuqeda nya ngendaba yenkohlakalo uma iqembu lakhe lingathola ithuba lokuphatha izintambo zombuso kuleli.Lokhu uHolomisa ukusho ngesikhathi ethula ngokusemthethweni iManifesto yeqembu lakhe ngoMgqibelo womhlaka 2 Mashi 2024 eMidrand eGauteng.
UDktl. Makhosi Khoza osegcogcome emaqenjini ambalwa ezepolitiki kuleli, usezitholele ikhaya elisha. Lokhu kuza emuva kokuthi uMengameli eqenjini le Abantu Batho Congress uMnu Philani Mavundla, enze isimemezelo emavikini amabili edlule,sokuthi useqoke uDktl. Makhosi Khoza njengePhini lakhe kanye nabanye.
Bekuheleza umoya wokuthula ngesikhathi uNdunankulu uMhlonishwa uNomusa Dube-Ncube , ethula inkulumo yakhe yokugcina yesifundazwe (SOPA) esiShayamthetho saKwaZulu-Natali ngoLwesithathu lomhlaka 28 Febhuwari,2024 , eOval Cricket Stadium eMgungundlovu.
Economic Freedom Fighter (EFF) inhlangano yezepolitiki esungulwe ngoNtulikazi ngonyaka wezi-2013, isungulwa uMnu Julius Malema owaxebuka kwi-African National Congress (ANC), lapho owayenguMholi we African National Congress Youth League (ANCYL), ngemuva kokugxibha abaholi be-ANC, wakhonjwa indlela ngenxa yokuthi uhluleke ukuziphatha.
UMengameli weAfrican National Congress (ANC) uMnu Cyril Ramaphosa wenze isethembiso sokuthi iqembu lakhe lisethenjwa abantu bakuleli futhi bazoqhubeka nokwenza ngcono isimo sezomnotho ngisho eminyakeni emihlanu ezayo. Lokhu uRamaphosa ukusho ngesikhathi ethula iManifesto yeANC phambi kwezihlwele ebezigcwele ziphuphuma eMoses Mabhida Stadium, eThekwini,ngoMgqibelo womhlaka 2 Febhuwari 2024.
UDuduzane Zuma (40) oyindodana yalowo owabe enguMengameli wezwe uMnu. Jacob Zuma, ulaxaze phansi iqembu leANC maqede wazisungulela elakhe aliqambe ngokuthi All Game Changers(AGC)
Iqembu leNkatha Freedom Party (IFP) selikhiphe isitatimende elisibhekise kwabezindaba lapho limemezela khona usuku elizobamba ngalo iManifesto yalo eyobe ingeSonto lomhlaka 10 kuMashi 2024..
UMengameli wezwe uMnu Cyril Ramaphosa kulonyaka wesihlanu okungowokugcina kwihlandla lakhe, okuphinde kuqondane neminyaka engamashumi amathathu (30) lelizwe lathola inkululeko,wethule inkulumo yakhe ngoLwesine kusihlwa ngehora lesikhombisa kuwumhlaka 8 Febhuwari 2024, eCapeTown, lapho evezele khona isizwe isithombe ngakho konke osekwenziwe uhulumeni ngaphansi kweqembu leAfrican National Congress (ANC).Kanti nezingqinamba ezikhungethe izwe nazo akazishiyanga ngaphandle.
Ngokodaba olucashunwe ekhasini le-website ye SABC,luveza ukuthi luzolalelwa enkantolo yezokhetho eseBloemfontein, ngomhlaka 19 Mashi 2024, udaba olusezithebeni zenkantolo olufakwe iqembu le African National Congress (ANC) oluphikisa ukusetshenziswa kwegama okuqanjwe ngalo iMK Party, njengeqembu lezepolitiki, ekubeni yona iANC, uMkhonto Wesizwe iwuthatha njengophawu lomlando wayo.
Umholi we Economic Freedom Fighters (EFF) uMnu Julius Malema ubonge abalandeli bakhe baKwaZulu-Natali ngokumeseka begcwalisa inkundla iMoses Mabhida eThekwini, ngenhloso yokuyolalela iManifesto yeqembu.
