THAMI SHESHANE
Ukusa kwangomhlaka 16 June kwaziwa ngabafana abaneminyaka ephakathi kuka 7 no 15 abadlalela amaqembu adlala ku Umlazi Junior League esigcemeni sakwa E eMlazi. Lamaqembu athatha isinqumo sokudlala imidlalo yomkhaya ngenxa yokweswela uxhaso lokuhlela i tournament.
Ashayane aze abukana, aphinda ashayana abukana ezigabeni zika U11, U13 no Under 15. Emaqenjini abekhona kubalwa i Volcano, Danger Boys, Umlazi Young Lions ne Lion ibhubesi lakhona kulesisigceme. Umqeqeshi u Mdu ubexube nezintokazi ezisencane ezidlale kuwo wonke ama division ngokuzimisela okukhulu.
“Uyayibona lengane, ngivimba ngayo ku league, buka ibhola layo.” Kusho lomqeqeshi encoma u Gee obeke alithathe aqonde kuma defender ezinsizwa ozakwabo bathi “Shona kubo sistaz”
Lomdlalo uhanjelwe yintsha eningi edlala ibhola kanye nabanye ojahidada abebethamele belokhu beshaye izandla uma kukhona okubanelisayo. Lomdlalo ubuhanjelwe nayizinsizwa ezindala ezake zayibamba kulenkundla eminyakeni engaphezu kwengams 40 edlule.
Umqeqeshi we Danger Boys FC esanda kunqoba isicoco se Nedbank e Mlazi, u Mnu Sandile Radebe uthi basebenzisa lemidlalo ukucija abafana baphinde babheke abafana abazoba ngumgogodla wamaqembu uma sebedlala kowe League.
“Sihleli lapha nje mfana ngoba sithanda ibhola labafana abancane, lesigaba sebhola asinakiwe nhlobo emalokishini, wagcina nini nje ukuzwa kuthiwa kudlala izikole la enkundleni?” kubuza u Mkhulu Zuma okewalingisa ku vidiyo ye KZN Namhla ku Youtube.
I Thami Sheshane Photography iqoke ukuvuselela ubudlelwano bayo ne Danger Boys okusho ukuthi uzoqhubeka ayithwebulele izithombe eziphanyekwe e.khasini leqembu i Danger Boys Umlazi Footall Academy ku Facebook. Lokhu i TSP ikwenza ngenhloso yokugqugquzela abantwana abasebancane ukuthi bazibuke besenkundleni nakuma Video enziwa yinkampani yokuqopha i Wheels And Sticks Production. Lamaqembu aqinisekile ukuthi abadlali abanabo sebenele, abadlali abafisa ukudlala kuwo sebengazama inhlanhla ngozayo
