SHEILA MHLONGO
UMasipala weTheku usesayinde isivumelwano sokusebenzisana phakathi kwakhe kanye neKwaZulu-Natal Education Development Trust for the youth in Energy Transition Programme (YETP).Lesivumelwano esisayindwe ngoLwesihlanu lomhlaka 15 Mashi 2024, sizosiza intsha yaseThekwini ebalelwa ku 6000 ngokucijwa ngamakhono okuba amaSolar Technician.
Loluqeqeso luzosiza intsha ukuthi nayo ibandakanywe ohlelweni lwedolobha laseThekwini lokulungisa ukuphakela kwamandla kagesi iphinde ithole namathuba emisebenzi ezinkampanini ezizimele kanye nasezinhlelweni zikahulumeni zengqalasizinda yokuphehla amandla kagesi.
Uma intsha isiphothule uqeqesho lwayo iyobe isibandakanywa ohlelweni loMkhandlu lwengqalasizinda yokuphehlwa kwamandla kagesi emayelana nokuphucula ukusebenza kwamandla kagesi ezikhungweni ezibalulekile emphakathini ezifana nezikole, izibhedlela, kanye nemitholampilo esemalokishini.
