SBU MAMBA
Lijabulise izigidi zabathandi bebhola eNingizimu Africa iqembu lesizwe iBafana Bafana litalabha iNamibia ngo 4-0 emdlalweni ka Group E we Africa Cup Of Nations (AFCON) ngesonto ebusuku e Amadou Gon Coulibaly Stadium e-Ivory Coast .
Isekela lika kaputeni u Percy Tau oshwebe iphenathi emdlalweni wabo neMali ngesonto elidlule ukhombise ukuba nesibindi ephinda ezinikela eshaya iphenathi etholwe iBafana ngesiwombe sokuqala kodwa iqhawe kube wukaputeni uThemba Zwane oshaye igoli lesibili nelesithathu lomdlalo.
INambia nawo iwatholile amathuba kodwa udonga lwasemuva kuBafana lukhombise ukuqina lwashaya phansi ngonyawo lwathi lutho eLuthela .
Igoli lesine lishwaye u Thapelo Maseko ngesiwombe sesibili .
Lomphumela omuhle kangaka ubuyise ukuzethemba kubadlali ,nephupho lomqeqeshi weBafana uHugo Broos lokungena ku Last 16 libukeka lizofezeka
