SBU MAMBA
Kaizer Chiefs Amakhosi asePhefeni athuse abaningi equmba phansi abafana base Congo i-AS Simba ngo 3-1 emlenzeni wesibili we CAF Confederation obuse Dobsonville Stadium ngesonto ntambama, onke amagoli eChiefs angene ngesiwombe sokuqala, elokuqala lishaywe uGodspower Ighodaro, elesibili lashaywa uZitha Kwinika, uMakabi Lilepo ushaye igoli lesithathu kanti elokubika le AS Simba kube yi own goal ka-Aden kaMccathy ngesiwombe sesibili.
Lomphumela uthathe amakhosi abafana bokuthula noxolo wabafaka kuma Group Stages, onke amakilabhu angene kweyamaqoqo azothola u 7 Million. Impofana ikhonye ngesiwombe sokuqala yaphinde yakhonya ngesesibili, ezika Shintsha Guluva zidlala ibhola elinenkosi phakathi ngaphasi kwabaqeqeshi bempofana uBen Youseff noCedric Kaze , labaqeqeshi bathathe izintambo ku Nassredine Nabi ekuqaleni kuka Okthoba, izinto zibahambela kahle nabadlali be Chiefs bawanyuse amasokisi uGodspower Ighodaro noGlodly Lilepo bazoyisiza kakhulu iChiefs ku Confederation Cup njengoba banesipiliyoni sokudlala emiqhudelwaneni emikhulu yase Africa.
IChiefs izotholana phezulu ne Durban City ngolwesihlanu lomhlaka-31 October eMoses Mabhida Stadium eThekwini, iChiefs ihleli endaweni yesihlanu ku log ngamaphuzu angu-16 emidlalweni engu-9, abafana bokuthula noxolo bayawadinga lamaphuzu amathathu ukuze bavale igebe phakathi kwabo neMamelodi Sundowns. Kuzomele iwanyuse ngampela amasokisi iChiefs uma isibhekene neDurban City emaMabhida, iCity ayigayelwa mphako kulezinsuku iyawashaya futhi amagoli, ama Citizens aqeqeshwa insizwa emkantshubomvu ebholeni lase Ningizimu Africa uGavin Hunt.
Izwe lase Ningizimu Africa lizomelwa iMamelodi Sundowns ku CAF Champions League kanti ku Confederation Cup lizomelwa yi Kaizer Chiefs nezinsizwa zaseKAPA lodumo Stellenbosch FC .
