ZETHU PHOSWA
KUNZIMA kubafundi nothisha baseMthubi Primary School, kwaVutha, eMaphephetheni, kulandela ukulimala kwebhuloho, ukuvuleka komfula uMthubi ubesamgodi, okwenza kube nzima ukuwela.
Lokhu kudalwe ukuhlasela kwezikhulukhula ezenzeka ngale nyanga kaMasingana (January).
Abantu bakule ndawo bahlalele ovalweni ngenxa yokusabela impilo yezingane, uma kungahle line izulu besesikoleni.
“Siyesaba izinto ezenzeka uma lina, ikakhulukazi njengoba kufunda nodado kulesi sikole,” kubeka Nksz Khumalo ocele igama lakhe ligodlwe.
Bathu selokhu kuvulwe izikole, abanye abafundi nothisha bawela ngalendlela.
Izimoto zothisha bazipaka esigangeni, kanti nezomphakathi azikwazi ukuginyelela esikoleni.
