IMPUMELELO YOKWAMUKELWA NOKUGUNYAZWA NGOKUSEMTHETHWENI KWEHOVISI ELISHA LE-AMAJUBA DISTRICT INTERFAITH
UMeya we-Amajuba District Municipality, ukhansela Mthembu, wamukele ngokusemthethweni futhi wagunyaza ubuholi obusha obuqokiwe beHhovisi Lezindaba Zenkolo kanye ne-Interfaith esifundeni.
IMeya izwakalise ukubonga nokweseka ukusungulwa kwesakhiwo esisemthethweni se-Interfaith ngaphakathi kuhulumeni, iqhakambisa indima yaso ebalulekile ekukhuthazeni ubumbano, ukuvuselelwa kwesimilo, ukubumbana komphakathi, kanye nokulwa nezinkinga zomphakathi ezithinta imiphakathi esifundeni sonke. IMeya iphinde yazibophezela ekutheni uMasipala uzosebenzisana ngokusondelene nobuholi be-Interfaith ekufezeni izinhloso zentuthuko zeHhovisi likaNdunankulu kanye nezinhlelo zikahulumeni.
Ubuholi Obusha Be-Interfaith – Amajuba District.
USihlalo: Pastor Nsikelelo Ndlovu
IPhini likaSihlalo: Rev. Vusumuzi Kunene
UNobhala: Pastor Gule
IPhini likaNobhala: Bishop Dr Ndlovu
UMxhumanisi: Pastor Mabaso
Amalungu eSigungu Esiphezulu seHhovisi le-Interfaith nawo azibophezele ekwesekeni zonke izinhlaka zobuholi ngaphakathi kuMasipala, egcizelela umsebenzi wawo wokomoya wokukhuleka, ukunikeza isiqondiso, kanye nokumela imiphakathi nabaholi ngokufanayo.
IHhovisi le-Amajuba District Interfaith liyisakhiwo esisemthethweni esamukelwe uhulumeni esibhekelele izindaba zomkhakha wezenkolo. Indima yalo ukubamela, ukweseka, kanye nokuhlanganisa izinhlangano zezenkolo nemiphakathi yenkolo esifundeni sonke, ngesikhathi esifanayo likhuthaza ubudlelwano obuhle phakathi kukahulumeni nomkhakha wezenkolo ngenhloso yokuthuthukisa umphakathi.
Lomcimbi obalulekile uyisinyathelo esikhulu ekuqiniseni ukubambisana phakathi kukahulumeni nezinhlangano ezenkolo ekuthuthukiseni umphakathi, ukuthula, ubumbano, kanye nokuvuselelwa kwesimilo kuwo wonke umphakathi wase-Amajuba District.
