ZAMA MAJOLA
IPhini likaMengameli uPaul Mashatile usenxuse ukuthi uhulumeni, amabhizinisi kanye nezinhlangano zomphakathi ukuthi kuthathwe izinyathelo eziphuthumayo, eziqinile ukuze kuliwe nenkinga yokuntuleka kwemisebenzi eNingizimu Afrika ikakhulukazi entsheni.
UMashatile udlulise ukuthi izinga lokungasebenzi kuzwelonke lingu-33.2% okubalwa khona intsha, abesifazane namaqembu ancishwe amathuba. Bangaphezu kwezigidi ezingu-3.5 abantu abasha baseNingizimu Afrika abaneminyaka engu-15–24 abangamalungu e-NEET (Not in Employment, Education or Training). Ingaphezu kwesigamu intsha efuna imisebenzi isikhathi esingaphezu konyaka ebese ibhekana nezithiyo. Izixazululo eziphakanyiswe uMashatile zihlanganise imfundo nokuthuthukiswa kwamakhono okuhambisana nezidingo zemakethe yezabasebenzi, ukwesekwa kwamabhizinisi amancane namabhizinisi njengezinjini zokudala amathuba emisebenzi, ukwandiswa kwezinhlelo zokuqashwa komphakathi kanye nokufunda okudidiyelwe emsebenzini kanye nokwelulekwa ngokubambisana namabhizinisi.
UMashatile uphinde wagqamisa ukwethulwa ngempumelelo kwama-HRDC ezifundazweni eNyakatho Ntshonalanga naseMpumalanga, okuzosiza ukuqalisa la masu ezindaweni.
