Kuhlomule ngisho nentsha engosomabhizinisi emncintiswaneni we Durban Business Fair Excellence Awards obuhlanganisa neRecognition Awards kanye ne Lion’s Den Business Plan Competition Awards ebibanjelwe e Durban ICC ngomhlaka 24 Septhemba.
Ngokusho kombiko ocashunwe ekhasini lika Facebook yoMkhandlu weTheku uthi babalelwa ku 23 osomabhizinisi abazihlomulele imiklomelo kakheshi yenani lika R50,000 emunye kanti intsha iyona ehlomule kakhulu kunabanye osomabhizinisi.
Imiklomelo ibibuye ihlanganise nezinsinza kusebenza zebhizinisi, uqeqesho lonyaka ukuze bathuthukise ulwazi lwabo kwezamabhizinisi. Kanti imiklomelo iyingxenye yohlelo lwe DBF olumayelana nemizamo yoMkhandlu weTheku wokweseka kanye nokwenza ngcono amabhizinisi lokhu ukwenza ngokunikeza usizo lwezezimali, kanye noqeqesho.
