SBU MAMBA
Ukufika komMqeqeshi odabuka eMorocco u-Abdeslam Ouaddou Orlando Pirates kulethe injabulo kubalandeli nezigidi zamarandi kulezinkunzi zase Soweto , Amabhakabhaka aqale ngokudla isicoco se-MTN8 ngo-September ekuqaleni kwesizini ka-2026/2027 ye Betway Premiership , yaphinde yajabulisa abalandeli nge Carling Black Label Cup , ibese ipha abalandeli bayo ukhisimuzi idla isicoco sesithathu ibhaxabula iqembu le-All Stars ngo 2-0 , ngamagoli ka Sifiso Luthuli no-Boitumelo Radiopane .
Umqeqeshi we Pirates u-Abdeslam Ouaddou othethe izintambo ku Jose Riviero wase Spain akayiqalanga kahle isizini ye Betway ephikwa imiphumela wayesenyamana mbana kubalandeli bezimnyama befuna esule esikhundleni kodwa izikhulu zePirates zashaya phansi ngonyawo zathi lutho eluthela akayindawo umqeqeshi u-Ouaddou zathi akanikwe ithuba elanele. Izinqumo zabaphathi be Pirates zokugcina lomqeqeshi zithele izithelo ezinhle zaletha izicoco ezintathu kumabhakabhaka zajabulisa nabalandeli bazowudla kahle uKhisimusi kanti nasemidlalweni yeligi bazigwazela ibhece njengoba behleli esicongweni seligi, maningi amathuba okuthi iPirates inqobe isicoco seligi kulesizini.
Nomqeqeshi weqembu lesizwe iBafana Bafana uHugo Broos ukhethe kakhulu abadlali bezakaMagebhula esikwatini sakhe azogadla ngaso ku AFCON
eMorroco, ukhethe izinsizwa o-Evidence Makgopa ongalibheki ipali, Oshwin Appolis , unozinti uSipho Chaine, uKaputeni uMahlase uNkosinathi Sibisi, uMbokazi osethole amadlelo aluhlaza eqenjini lase-United States of America iChicago Fire ,kube uThalente Mbatha noRelebogile Mofokeng.
