Amaqembu ethu asekhaya nawamazwe omhlaba azinikele ekwakheni ulwazi olukhethekile lwesonto lomjaho, nokuqinisekisa ukuthi abagijimi bayamukelwa, bayesekwa futhi bayakhuthazwa kuzo zonke izinyathelo zohambo lwabo.”
I-Totalsports TWO OCEANS MARATHON powered by BYD iyaziqhenya ngokumemezela ubudlelwano beminyaka emithathu ne-Marathon Tours & Travel (MTT), ezoba nguzakwabo okhethekile wezohambo zamazwe omhlaba kulo mcimbi emiqhudelwaneni yangowezi-2027, 2028 kanye nowezi-2029.
“Sijabule kakhulu ukwamukela i-Marathon Tours & Travel njengozakwethu okhethekile wezohambo we-Totalsports TWO OCEANS MARATHON powered by BYD,” kusho uChris Goldschmidt, onguSihlalo we-TWO OCEANS MARATHON NPC.
“Idumela layo elihle lokuhlinzeka abagijimi abavela emhlabeni wonke ngezinhlelo zokuvakasha ezisezingeni eliphezulu liyenza ibe nguzakwethu ofanele ekusekeleni umbono wethu wokukhulisa ukufinyelela kwalo mcimbi emazweni omhlaba, ngesikhathi siqinisekisa ukuthi uhambo lusukela ekubhaliseni kuze kufike osukwini lomjaho luhamba kahle.
“Eminyakeni emithathu ezayo, i-MTT izophatha futhi yenze lula konke ukubhaliswa kwabasubathi bamazwe omhlaba nabavela kwamanye amazwe ase-Afrika. Izohlinzeka ababambiqhaza ngobuchwepheshe obuthembekile bezohambo kanye namaphakheji afanele, ukuze bakwazi ukujabulela ngokugcwele konke okunikezwa yiKapa kanye neMarathon Enhle Kunazo Zonke Emhlabeni.”
UWade Bromfield, onguMqondisi womcimbi we-Totalsports TWO OCEANS MARATHON powered by BYD, uthe lobu budlelwano buzodlala indima ebalulekile ekwandiseni ukuthandwa komcimbi emhlabeni wonke nasekuthuthukiseni ulwazi lwabagijimi.
“Sijabule ngokusebenzisana ne-MTT eminyakeni emithathu ezayo njengoba siqhubeka nokwamukela abagijimi abaningi abavela emhlabeni wonke futhi sandisa ukuthandwa kwe-Totalsports TWO OCEANS MARATHON powered by BYD emhlabeni jikelele, siqinisa isikhundla sayo njengeMarathon Enhle Kunazo Zonke Emhlabeni,” kusho uBromfield.
“Ukusebenzisana ne-MTT kusenza sikwazi ukunikeza abagijimi bamazwe omhlaba nabavela kwamanye amazwe ase-Afrika isixazululo sezohambo esithembekile nesiphelele, esenza ukuhlela uhambo lwabo oluya eKapa kube lula futhi kungabi nazihibe.
“Ngokuhlanganisa izinhlelo zohambo, indawo yokuhlala kanye nokubhalisela umjaho ngaphansi kozakwethu othembekile, singanikeza abagijimi ukunethezeka okukhulu, ukuzethemba kanye nokuthula kwengqondo. Lokhu kuzobavumela ukuthi bagxile enjabulweni yokuba yingxenye yeMarathon Enhle Kunazo Zonke Emhlabeni.”
Ezwakalisa injabulo yakhe ngalobu budlelwano, uMarie Howarth, oyiNhloko yeMikhiqizo nokuSebenza kwa-Marathon Tours & Travel, uthe ithuba lokweseka ababambiqhaza beMarathon Enhle Kunazo Zonke Emhlabeni liyilungelo kanye nengqophamlando ethokozisayo enhlanganweni.
“Sijabule futhi sihloniphekile ngokuba nguzakwethu we-Totalsports TWO OCEANS MARATHON powered by BYD njengozakwabo okhethekile wezohambo zamazwe omhlaba,” kusho uHowarth.
“Ngalobu budlelwano, abasubathi bamazwe omhlaba bazothola amathuba okubamba iqhaza kuyo yomibili imijaho, okuyi-Ultra Marathon edumile yamakhilomitha angama-56 kanye ne-Half Marathon yamakhilomitha angama-21.
“IKapa linendawo ekhethekile ezinhliziyweni zethu. Njengoba sizibonele mathupha imijaho yamakhilomitha angama-21 nangama-56, kuyilungelo ukusiza ukwethula iMarathon Enhle Kunazo Zonke Emhlabeni ezingeni lomhlaba.
“Amaqembu ethu asekhaya nawamazwe omhlaba azinikele ekwakheni ulwazi olukhethekile lwesonto lomjaho, nokuqinisekisa ukuthi abagijimi bayamukelwa, bayesekwa futhi bayakhuthazwa kuzo zonke izinyathelo zohambo lwabo.”
QAPHELA
Njengozakwabo okhethekile wezohambo zamazwe omhlaba we-Totalsports TWO OCEANS MARATHON powered by BYD, i-Marathon Tours & Travel iyona kuphela indlela esemthethweni yokubhalisela lo mcimbi kubo bonke abasubathi bamazwe omhlaba nabavela kwamanye amazwe ase-Afrika.
Ngakho-ke, laba basubathi kudingeka bathole izikhala zabo zokungenela umcimbi nge-Marathon Tours & Travel kuphela.
Ukuze bathole olunye ulwazi, abasubathi bamazwe omhlaba nabavela kwamanye amazwe ase-Afrika bangavakashela:
https://marathontours.com/en-gb/events/two-oceans-marathon/
IMINININGWANE YOMCIMBI: I-TOTALSPORTS TWO OCEANS MARATHON POWERED BY BYD YANGOWEZI-2027
1. NgoLwesithathu, mhla zingama-31 kuNdasa 2027
I-Totalsports TWO OCEANS MARATHON powered by BYD – Night Run
- Inani labagijimi elivumelekile: 5 000
- Ibanga: 8km
Imali yokungenela:
- Abasubathi baseNingizimu Afrika: R320
- Abasubathi bamazwe omhlaba nabavela kwamanye amazwe ase-Afrika: £20
Izimali zizoncika esilinganisweni sokushintshaniswa kwezimali esizobe sisebenza ngesikhathi kukhokhwa.
Ukubhalisa kuvulwa: NgoMsombuluko, mhla zi-3 kuNcwaba 2026.
2. NgoLwesine, mhla lu-1 kuMbasa 2027
I-Totalsports TWO OCEANS MARATHON powered by BYD – International Friendship Run
- Inani labagijimi elivumelekile: 1 500
- Ibanga: 4.5km
Imali yokungenela:
- Abasubathi baseNingizimu Afrika: R250
- Abasubathi bamazwe omhlaba nabavela kwamanye amazwe ase-Afrika: £15
Izimali zizoncika esilinganisweni sokushintshaniswa kwezimali esizobe sisebenza ngesikhathi kukhokhwa.
Ukubhalisa kuvulwa: NgoMsombuluko, mhla zi-3 kuNcwaba 2026.
3. NgoLwesihlanu, mhla zi-2 kuMbasa 2027
I-Totalsports TWO OCEANS MARATHON powered by BYD – Trail Run
- Inani labagijimi elivumelekile: 1 500
- Indawo okuqalwa futhi kuphothulwe kuyo: UCT Rugby Fields
Amabanga nezimali zokungenela kubasubathi baseNingizimu Afrika:
- 24km: R950
- 16km: R750
- 12km: R550
Abasubathi bamazwe omhlaba nabavela kwamanye amazwe ase-Afrika:
- 24km: £50
- 16km: £40
- 12km: £30
Izimali zizoncika esilinganisweni sokushintshaniswa kwezimali esizobe sisebenza ngesikhathi kukhokhwa.
Ukubhalisa kuvulwa: NgoMsombuluko, mhla zi-3 kuNcwaba 2026.
4. NgoMgqibelo, mhla zi-3 kuMbasa 2027
I-Totalsports TWO OCEANS HALF MARATHON powered by BYD
- Inani labagijimi elivumelekile: 21 000
- Indawo okuphethwa kuyo: UCT Rugby Fields
- Ibanga: 21.1km
Izimali zokungenela:
- Abasubathi baseNingizimu Afrika abanamalayisense: R450
- Abasubathi baseNingizimu Afrika abangenawo amalayisense: R450 kanye no-R60 welayisense yesikhashana
- Abasubathi abavela kwamanye amazwe ase-Afrika: £45
- Abasubathi bamazwe omhlaba: £115
Izimali zizoncika esilinganisweni sokushintshaniswa kwezimali esizobe sisebenza ngesikhathi kukhokhwa.
Ukubhalisa kuvulwa:
- I-Blue Number Club (BNC): Kusukela ngoLwesithathu, mhla ziyi-15 kuya ngoLwesithathu, mhla zingama-22 kuNtulikazi 2026
- I-Ballot: NgoLwesithathu, mhla zi-5 kuNcwaba 2026
Qaphela: Abasubathi bamazwe omhlaba nabavela kwamanye amazwe ase-Afrika akudingeki ukuthi bafake izicelo kwi-ballot.
5. NgeSonto, mhla zi-4 kuMbasa 2027
I-Totalsports TWO OCEANS ULTRA MARATHON powered by BYD
- Inani labagijimi elivumelekile: 21 000
- Indawo okuphethwa kuyo: UCT Rugby Fields
- Ibanga: 56km
Izimali zokungenela:
- Abasubathi baseNingizimu Afrika abanamalayisense: R840
- Abasubathi abavela kwamanye amazwe ase-Afrika: £55
- Abasubathi bamazwe omhlaba: £165
Izimali zizoncika esilinganisweni sokushintshaniswa kwezimali esizobe sisebenza ngesikhathi kukhokhwa.
Ukubhalisa kuvulwa:
- I-Blue Number Club (BNC): Kusukela ngoLwesithathu, mhla ziyi-15 kuya ngoLwesithathu, mhla zingama-22 kuNtulikazi 2026
- I-Ballot: NgoLwesithathu, mhla zi-5 kuNcwaba 2026
Qaphela: Abasubathi bamazwe omhlaba nabavela kwamanye amazwe ase-Afrika akudingeki ukuthi bafake izicelo kwi-ballot.
Facebook: Two Oceans Marathon
Instagram: Totalsports Two Oceans Marathon
Iwebhusayithi: www.twooceansmarathon.org.za
Ngemibuzo ephathelene nokungenela kwabasubathi bamazwe omhlaba nabavela kwamanye amazwe ase-Afrika, thumela i-imeyili ku: info@marathontours.co.uk
MAYELANA NE-TOTALSPORTS TWO OCEANS MARATHON POWERED BY BYD
I-Totalsports TWO OCEANS MARATHON powered by BYD ingomunye wemicimbi yokugijima eyaziwa kakhulu eNingizimu Afrika, futhi idume kabanzi ngokuthi “iMarathon Enhle Kunazo Zonke Emhlabeni.”
Inemicimbi emibili ehamba phambili, okuyi-Ultra Marathon edumile yamakhilomitha angama-56 kanye ne-Half Marathon ethandwa kakhulu yamakhilomitha angama-21.1. Yomibili le mijaho inikeza abagijimi ubuhle obungasoze balibaleka bogu nezintaba ezizungeze iNhlonhlo yaseKapa.
MAYELANA NE-TWO OCEANS MARATHON NPC
I-TWO OCEANS MARATHON NPC ingumnikazi nomgcini we-Totalsports TWO OCEANS MARATHON. Inesibopho sokuvikela umlando walo mcimbi, uphawu lwawo, umsebenzi wawo wokuzuzisa umphakathi, ukuqapha ukuhlinzekwa kwezinhlelo ezisezingeni lomhlaba kubangenele umjaho kanye nokuhola indlela yamasu esikhathi eside.
I-TOM NPC iqinisekisa ukuthi lo mcimbi uqhubeka nokuba nomthelela omuhle emiphakathini yendawo futhi uthuthukisa iKapa neNingizimu Afrika ezingeni lomhlaba.
MAYELANA NE-STILLWATER SPORTS
I-Stillwater Sports iqokwe njengoMphathi woMcimbi kanye nozakwabo wezohwebo we-Totalsports TWO OCEANS MARATHON powered by BYD ngaphansi kwesivumelwano sesikhathi eside selayisense nokusingatha umcimbi, esaphothulwa ne-TOM NPC.
Ngokwemigomo yalesi sivumelwano, i-Stillwater Sports inesibopho sokuhlela nokusingatha umcimbi osezingeni lomhlaba, ukuthuthukisa ulwazi lwabagijimi, ukukhulisa ezohwebo nokwandisa ukufinyelela komcimbi kanye nenzuzo yabagijimi.
I-Stillwater Sports iyinkampani ehamba phambili kwezokumaketha imidlalo nokuphathwa kwemicimbi. Izinze eNingizimu Afrika futhi isebenza kuwo wonke amazwe aseNingizimu ye-Afrika.
MAYELANA NE-MARATHON TOURS & TRAVEL
I-Marathon Tours & Travel (MTT) ingumholi nomqambi wezinto ezintsha osekunesikhathi eside aziwa embonini yezohambo oluya ezindaweni ezahlukene, olubhekele abagijimi kanye nabasekeli babo.
Inamahhovisi eBoston e-United States of America, eManchester e-United Kingdom, e-Adelaide e-Australia naseShanghai eChina, okwenza ithimba layo libe nesikhundla esihamba phambili embonini emhlabeni wonke.
Igunyazwe njengoMqhubi Wezohambo Wamazwe Omhlaba emicimbini eminingi yokugijima, okuhlanganisa i-Abbott World Marathon Majors. Iphinde ibe ngumnikazi oziqhenyayo wemicimbi eminingana yomhlaba, efana ne-Antarctica Marathon®.
