SHEILA MHLONGO
I-Kings Park Swimming Pool yeDolobha enye yezindawo ezihamba phambili kwezokungcebeleka njengoba kade ilungiswa kabusha. UMasipala weTheku ubeke u-R42 million wokulungisa lesi sikhungo ukuze uthuthukise ubuhle baso nokusebenza. Lokhu kuthuthukiswa kuyingxenye yohlelo oluqhubekayo lweDolobha lokulungisa zonke izindawo zokubhukuda zikaMasipala.
I-Kings Park Swimming Complex ihlanganisa izinsiza zangaphakathi nezingaphandle. Ingxenye yangaphakathi inedamu lokubhukuda elingamamitha angu-50 kanti indawo yangaphandle ihlanganisa i-diving engamamitha angu-25 ubude, i-6.5-metres-deep pool.Ngaphezu kwalokho iyona kuphela indawo yokubhukuda eNingizimu Afrika enemvume ye-FINA (International Swimming Federation), ehlonishwa yiKomidi Lamazwe Ngamazwe Lama-Olympic ngokusingatha imiqhudelwano yamazwe ngamazwe yemidlalo yasemanzini.Ukulungiswa kwamanje kugxile ekulungiseni ingqalasizinda eyonakele ngenxa yomoya onamandla ngonyaka odlule.
Intuthuko ebalulekile ihlanganisa ukufakwa kwezibani ezingu-1500 LUX, ukushintshwa kwamafasitela engilazi, okunamathelayo okungashibiliki ezitebhisini nokugandaywa, ukuthuthukiswa kwezakhiwo zezindlela zokuhamba kanye nama-handrails ukulungiswa okuphelele kwezindawo zenkantini ezimbili, ukuplasta nokupenda, izimpawu ezintsha, ibhodi lamaphuzu, namabhodi okutshuza.Ababhukudi maduze bazojabulela i-Kings Park Swimming Pool evuselelwe kabusha, evalwe ngoNovemba ukuze kuvunyelwe ukulungiswa.
Uma isimo sezulu sivuma, ukulungiswa kulindeleke ukuthi kuqedwe ekupheleni kuka-April.
