UMnyango Wezemisebenzi Yomphakathi Nezokwakhiwa Kwengqalasizinda uthe inqubekela phambili enkulu yenziwe
MARATHON MAGOSO
OLUNDI- Ngomsombuluko 27 July 2026 – iPhini likaNgqongqoshe woMnyango Wezemisebenzi Yomphakathi Nezokwakhiwa Kwengqalasizinda, uSihle Zikalala, uthe uhlelo lwamabhuloho e-Welisizwe luyaqhubeka kahle eSifundeni sa-KwaZulu Natali.
EKhuluma emcimbini wokudlulisela amabhuloho amabili e-Welisizwe kuMasipala wase-Olundi, uZikalala uthe esifundeni sase-Zuland District Municipality, amabhuloho angu-11 kwangu-13 ebekuhlelwe ukuthi akhiwe aseqediwe. Amanye amabhuloho amabili asesele asesezigabeni zokuhlolwa kwezobuchwepheshe.
“Esifundazweni sa-KwaZulu Natali uhlelo luhamba ngendlela ebekelwe yona. Seziqediwe izingu-41 kwamabhuloho angu-51 ebekuhlelwe,” kusho uZikalala.
UNgqongqoshe ugcizelele nangendlela uhlelo olusize ngayo ukudala amathuba emisebenzi emphakathini.
“Phakathi nesikhathi sokwakhiwa kwala mabhuloho amabili, siqhubekile nokusebenzisa abasebenzi bendawo ukuze kuncishiswe ubuphofu eZuland District Municipality.
Kudaleke imisebenzi engu-161. Kuleyo, eyikhulu namashumi ayisihlanu nambili ibingama-EPWP, abayi-5 bezingcweti, ababili babe ngabaqeqeshelwa umsebenzi okhethekile, kanti owodwa wasehhovisi,” echaze kanje uZikalala.
Uhlelo lukazwelonke luyakhula
Ngesikhathi sokwethula isabelo-mali sika-2023, uZikalala wamemezela imali engu-R3.8 billion ehlukaniselwe uhlelo lwamabhuloho e-Welisizwe. Lolu hlelo luqondise izifundazwe eziyisi-6 okuyi-Eastern Cape, KwaZulu Natal, Free State, Mpumalanga, Limpopo ne-North West.
Uthe lolu hlelo lusekela ukuthengwa kwezimpahla zendawo, ukuthuthukiswa kwama-SMME, ukudalwa kwemisebenzi kanye nokuguqulwa komkhakha wokwakha, kanti nezinto zokwakha namabhuloho athathwa kulezi zifundazwe.
Sekuhleliwe ukuthi kuzokwakhiwa amabhuloho angu-288 kulo lonke izwe. Kuleso sibalo, angu-130 ase-aseqediwe kanti angu-48 asaqhubeka nokwakhiwa.
Isigaba Sesibili siyaqhubeka
U-Zikalala uthe manje sebelungiselela ukwethula isicelo seSigaba Sesibili sohlelo, ngokubambisana noMnyango Wezokuthutha.
“Sihlose ukwakha amabhuloho engeziwe ezindaweni zasemakhaya, futhi sinwebe uhlelo lwase-Welisizwe ukuyofinyelela e-Northern Cape, Western Cape nase-Gauteng ezazingekho esigabeni sokuqala,” kusho yena.
