NKOSIE NTOMBELA
I-KZN Sharks Board ithi iwuqaphe ngeso lokhozi umsebenzi we-sardine walo nyaka njengoba i-silverfish isivele ibhukuda ogwini.
UWayne Harrison oyisikhulumi sabe Sharks Board Esifundazweni uthi kusukela ngoLwesihlanu olwedlule inqwaba yabantu iqale ukukhuphuka isuka ePort Edward ngenxa yokuvela koSaydinsi (sardine fish) “izinsonswane’ njengoba kuwubusika.
Lezi zinhlanzi zikhuphuke zafinyelela eManzimtoti, eWarner Beach nase Winklespruit
UHarrison uthi, okwamanje, bathathe isinqumo sokugcina amanetha oshaka evuliwe.
“Uma wena njengelungu lomphakathi ufuna ukuyobhukuda, qaphela, uthintane nabaqaphi bamanzi (lifeguard) futhi uwaqaphe ngoba oShaka njengoba kuvulwe amanethi bayingozi , kuphetha uMnumzane Wayne Harrison we Sharks Board.
