Londiwe Mthethwa
Umnyango wezabesifazane, Intsha Nabantu abakhubazekile uqhubeka nokukhuthaza ukubambisana okuqinile phakathi kukahulumeni, amabhizinisi kanye nomphakathi ukuze kubhekwane nenkinga eqhhubekayo yokungasebenzi kwentsha eNingizimu Afrika.
Esitatimendeni esikhishiwe ngesonto eledlule, uNgqongqoshe oseHhovisi likaMongameli obhekele lomnyango, uSindidiwe Chikunga, uthe ukungasebenzi kwentsha kuseyisithiyo esikhulu ekukhukeni komnotho. Uphinde wagcizelela isidingo sokwandisa amathuba emisebenzi, ukuqeqeshwa kwamakhono kanye nokweseka osomabhizinisi abasafufusa.
Ngokwama Stats akamuva e Quartely Labour Force Survey, kunokuthuthuka okuncane ngoba izinga lentsha engasebenzi lehle laya ku 43%.8 nyakenye.
Esitatimendeni se National Youth Development Agency I-NYDA, okuyinhlangano kahulumeni ebhekelene nokuthuthukiswa kwentsha ithe ukukhula komnotho okwamanje akubandakanyi ngokwanele intsha okwenza abaningi bangakwazi ukungena emnothweni ngendlela efanele. Lenhlangano icele ukusheshiswa kokutshalwa kwezimali emikhakheni ekhiqiza imisebenzi kanye nokwesekwa okukhulu kwamabhizinisi entsha, kanye nokwandiswa kwezinhlelo zokuthola ulwazi lomsebenzi.
- NYDA iphinde yagcizelela ukuthi izingqubomgomo zomnotho kumele zihambisane nezidingo zentsha , futhi impumelelo yomnotho kumele ibhekwe ngokuthi idala amathuba emisebenzi angakanani.
Noma kunezinhlelo ezikhona , intsha eningi isabhekene nobunzima bokuthola imisebenzi ezinzile.
- KZN Namuhla Community Newspaper ibe nengxoxo ekhethekile nentsha engasebenzi eneziqu endaweni yaseThekwini ukuthola kabanzi ngesimo kanye nezingqinamba ababhekana nazo.
‘Ngiphothule iziqu zami zobuthishela eminyakeni emihlanu eyedlule kodwa angikobi nayo inhlanhla yokuthola umsebenzi, inkinga nje enkulu esibhekana nayo izikhulu ezithanda kakhulu imali. Ngike ngabizwa kwi nhlolokhono lapho besekuthembisa khona kwathiwe angikhiphe isamba semali engango-R30 000, ukuze ngivale isikhala sami singathathwa muntu okuxaka okudlula konke ukuthi angisebenzi ngifuna wona umsebenzi bathi ngiyithathephi imali engaka,’ Kuchaza uThabo Mabaso, wase Nanda oneminyaka engu 27.
ULungile Ngcobo oneminyaka engu-32 oziphilisa ngokudayisa ukudla okusheshayo, aphinde abe neziqu ze Public Relations and Communications uveze ukukhathazeka ngeminyaka yakhe njengoba eseneminyaka eyela kweyishumi wathweswa iziqu kanti futhi lapha eNingizimu Afrika kujwayeleke ukuba kuthiwe kuqashwa abantu abaneminyaka engu- 18 kuya ku-35, uthi yena kushuthi uyaphuma maduze ohlwini lwabantu abangaqasheka njengoba esezowuhlanganisa u -35 kodwa engasebenzi okuchaza ukuthi akasoze wasebenza nokuyingakho eziphilisa ngokudayisa emgwaqeni ukudla okusheshayo.
Uhulumeni ugqugquzela izinhlelo zokufunda ezihambisana nezidingo zomsebenzi.
