SHEILA MHLONGO
Enqubweni yokuguqula ibhola lezinyawo KwaZulu-Natal, iNyuvesi yaKwaZulu-Natal (UKZN) neDurban City Football Club basayine isivumelwano esibalulekile (MoU) esizobabona bebambisana ukuthuthukisa ezebhola lezinyawo.
Ngaphansi kwalesi sivumelwano, omabili amaqembu azosebenzisana ukuthuthukisa amakhono ebholeni, ukwabelana ngolwazi, kanye nokuhlola amathuba okusebenzisana emiphakathini kanye nokumaketha.
Izinto ezihlanganisiwe kule ngxoxo zihlanganisa:
- Amathuba emifundaze yezemidlalo kubadlali abafanelekayo
- Ukuthuthukiswa kwezemidlalo ngokubambisana
- Ukufinyelela izindawo zokuzivocavoca ze-UKZN kanye nezinsiza zokululama
- Ukusekelwa ekuthuthukisweni kwabaqeqeshi
- Amathuba abafundi base-UKZN okudlala noma ukuqeqeshwa yiDurban City
- Amathuba okuqeqeshwa komsebenzi kubafundi be-UKZN
- Amathuba okukhangisa nokuhweba anenzuzo kubo bonke
UNormah Zondo, onguMqondisi kwezokuXhumana e-UKZN, uthe: “Sifuna ukuqhakambisa isithombe sezemidlalo eNyuvesi yethu ngokutshalwa kwezimali ingqalasizinda, intuthuko yabadlali, nokwakha ubudlelwano obubalulekile njengalobu neDurban City.”
UFarouk Kadodia, uSihlalo weDurban City, uthe: “Lokhu kubambisana kuzohlanganisa uthando lwezemidlalo namandla emfundo, kuvulele abafundi nabadlali amathuba amasha okuhlangabezana nezinga eliphezulu lobuchwepheshe kwezemidlalo.”
Ngaphambi kwalesi sivumelwano, omabili amaqembu ayevele esebenzisana ezinhlelweni zokuhlola impilo yabadlali, okuvele kwenze umehluko omkhulu ekuthuthukisweni kweqembu.
