SBUH MAMBA
Izinsizwa zaseThekwini iGolden Arrows (Abafana besithende) bashaye abafana bokuthula noxolo iKaizer Chiefs ngamagoli amabilli kwelilodwa 2-1 emdlalweni weBetway Premiership obuse Moses Mabhida Stadium eThekiwni ngomgqibelo ntambama. Igoli lokuqala le-Arrows lishaywe uNduduzo Sibiya ngesiwombe sokuqala ,bagadle kuqala abafana besithende kanti elokulinganisa leChiefs lishaywe uYusuf Maart ngomzuzu ka 29 , uMaart ugeje iphenathi esiwombeni sokuqala , ibhola lakhe lishaye ipali bamhhahhameza abalandeli beChiefs kanti elokuwina le-Arrows libekwe enethini uKnox Mutizwa.
Arrows idlala ibhola elihle kulezinsuku selokhu kubuye umqeqeshi wayo omdala waseMzimkhulu uMnu. Manqoba Mgqithi ukudla kushintshe ngampela epletini kubafana besithende , emidlalweni emine iqembu lakhe selinqobe imidlalo emibili , ladlala ngokulingana lashaywa kanye . Umqeqeshi obhekwe yisambane uMnu. Nassreddine Nabi weKaizer Chiefs izinto azimhambeli kahle neze lapha eNaturena iChiefs isishaywe kabili kulandelana ihleli kunamba 8 ku Betway Log, ngokwa ma statistics iChiefs iyalidlala ibhola kodwa inkinga ilapha odongweni lwasemuva nakubagadli akuhlangani kahle.
Amakhosi aseSoweto elinye lamaqembu ahlonishwayo ebholeni lase Ningizimu Africa futhi elidume ngokuwina izicoco njalo ngesizini ,umkhumula jezi (Knockouts) nesicoco seligi kodwa emidlalweni yakamuva ikuthola kunzima ukunqoba imidlalo yayo njengoba isiphenduke ukudla kwenduku. Ekhuluma nabezindaba uMnu. Nabi uxolise kakhulu ngalomphumela kubalandeli beChiefs abebedinwe bagane unwabu ngalomphumela ubese ecela ukuthi abalandeli ukuthi abakugweme ukuhhahhameza abadlali uma benza amaphutha kodwa babakhuthaze , abalandeli be Chiefs bahhahhameze kabuhlungu ukaputeni wabo uYusuf Maart ogeje iphenathi esiwombeni sokuqala bethi akazi lutho akakhishwe. Ekuqaleni kwesizini uNabi ucele izikhulu zeChiefs ukuthi zimtholele unyazi lomgadli ,uthi iChiefs idlala kahle impela kodwa inkinga ayiwashayi amagoli , amathuba bayawathola kodwa abagadli bahlulwa amagoli , uphinde wacela ukuthi bamthengele abagadli nonozinti uma kuvulwa iwindi lika June
