SBU MAMBA
USuthu olumabeshankone (Amazulu FC) luqoqe amaphuzu agcwele ku Natal Richboys ( Richardsbay F,C) emdllweni womkhaya iKZN DERBY obuse King Zwelithini Stadium ngesonto eledlule ,eMlazi. Igoli laMazulu lishaywe umdlali wasemuva uTaariq Fielies , Usuthu lusabambelele endaweni yesikhombisa lomphumela uwasize kakhulu Amazulu FC aqinisa indawo yawo ku-Top 8 ukuze azoba ethubeni elihle lokugijima emqhudelwaneni womkhumulajezi iMTN TOP 8 ngesizini ezayo.
Sekusele imidlalo embalwa kuvalwe isizini ka 2024/2025 yeBetway Premiership , USuthu luhleli endaweni enhle ku-log ikunamba 7 ngamaphuzu angu 33 luphephile ezembeni , kanti kumbulwa kuyembeswa lapha emsileni we-Betway log kuNatal Richboys , Magesi FC, Marumo Gallants , Capetown City neSupersport United , kuzomele lamaqembu awanyuse kakhulu amasokisi kulemidlalo esele ukuze agweme kuyolwela indawo yawo kuma PLAY OFFS, iRichards iphunyuke emlonyeni wengwenya ngesizini edlule yalwelwa indawo yayo kuBetway Premiership sekudlalwa amaPlay Offs.
Esicongweni seBetway Premiership kusahleli iMamelodi iSundowns ngamaphuzu angu 58 emidlalweni engu 23 futhi ayiyindawo bese kunamba 2 kube neOrlando Pirates ezakaMagebhula zinamaphuzu angu 46 emidlalweni engu 20 kanti lapha endaweni yesithathu kuneSekhukhune United ngamaphuzu angu 37 emidlalweni engu 23 , uma isizini izophela kanjena iSundowns nePirates izomela elakuleli emidlalweni yeCAF Champions League bese iSekhukhune United idlala imidlalo yeCAF Confederation Cup.
Izinsizwa ezisethubeni elihle lokuwola izindondo ekupheleni kwesizini ka 2024/2025 kuPSL AWARDS umqeqeshi weSundowns uMiguel Cardoso , umgadli wePirates osemncane odlala ibhola elinenkosi phakathi uRelebogile Mofokeng , uRibiero Costa umgadli weSundowns kweye Top Goalscorer kanti lapha kuGoalkeeper of the Season uma ingathathwanga uRonwen Williams weSundowns izohamba noSipho Chaine wePirates.
