SHEILA MHLONGO
IPhini likaNgqongqoshe wezeMfundo ePhakeme nezokuQeqeshwa, uDkt Mimmy Gondwe, usephakamise ukuthi amakolishi angama-TVET abuyekezwe kabusha (rebranding) ukuze abonakalise kangcono iqhaza lawo ngokuphelele.
Ekhuluma kwi-Education World Forum e-UK, uGondwe uthe ukufunda kwezobuchwepheshe nokusebenza kufanele kwenziwe kube yindlela yokuqala yokufunda entsheni. Uveze ukuthi kuleli, ama-TVET namakolishi omphakathi avame ukuthathwa njengendawo engabalulekile ukwedlula amanyuvesi.
Uphinde wagcizelela ukubaluleka kokubambisana phakathi kukahulumeni nemboni ezizimele (public-private partnerships), ukuze abafundi bathole amathuba emisebenzi noma baqale amabhizinisi abo.
Ngokwesifundo e-UK, uGondwe uvakashele iRichmond upon Thames College eLondon, lapho ethole khona ukuqonda ngendlela amakolishi ezobuchwepheshe asebenza ngayo futhi asebenzisana khona nezimboni ukuze kuqinisekiswe ukuthi abafundi bathola amakhono adingekayo emnothweni.
