ZAMA MAJOLA
Ngokusho kukaMashala Segerika oyi-blogger uMnyango wezeziMali KwaZulu-Natali usukuqinisekisile ukuthi ngeke wengeze imali yokuxhasa umcimbi woMkhosi woMhlanga walo nyaka ngemuva kokuthi iNkosi uMisuzulu kaZwelithini inqume ukususa lo mcimbi enkundleni yemidlalo yeshashalazi i-Enyokeni wawuyisa eMashobeni Palace oPhongolo.
Ukushintsha kwendawo entsha kumangaze abaningi, njengoba i-Enyokeni amphitheatre, inendawo enganela izivakashi ezingu-2 000 futhi yakhelwe ngokukhethekile imicimbi yalolu hlobo ukuze kuqedwe isidingo samatende engeziwe e-VIP noma izindlu zangasese zesikhashana. Uhulumeni wesifundazwe ubevele esebenzisa uR140 million kulo msebenzi kuyo yonke leminyaka.
Okhulumela uMgcinimafa uNkosikhona Duma uthe ezoBuciko namaSiko kanye neHhovisi likaNdunankulu kuzodingeka bengeze isabelomali sabo ukuze bekwazi ukubhekana nanoma yiziphi izindleko ezengeziwe uma indawo iqhubeka nokushintshwa. Inkosi uMisuzulu izwakalise ukusivikela isinqumo sayo yathi lesi senzo sayo sihlonipha iNdlovukazi uNandi kanye neNkosi uShaka owayenesigodlo endaweni yasoPhongolo.
