ZAMA MAJOLA
Njengengxenye yeSikhumbuzo soMkhosi WeLembe, iSilo Samabandla King uMisuzulu kaZwelithini, sihlangene noNdunankulu waKwaZulu-Natal uMhlonishwa uThamsanqa Ntuli kanye neNkosi uNyazi LweZulu lwebandla iNazareth Baptist Church, sibeke umqhele weNkosi uShaka kaSenzangakhona.
Lo mcimbi uhloniphe umbumbi wesizwe samaZulu, ifa lakhe elihlala njalo liqhakambisa ubumbano, isibindi nobuholi. Ubuholi bomdabu kanye nesigungu esiphezulu kuhulumeni wesifundazwe siholwa UNdunankulu wakwazulu-Natali, uMhlonishwa Thami Ntuli nabaholi bahulumeni bajoyine izinkulungwane zamaZulu adele amakhaza nemvula ekubeni yingxenye yomgubho waminyaka yonke woMkhosi weLembe okungowokukhumbula umbumbi weSizwe zamaZulu Ilembe eleqa amanye amalembe ngokukhalipha uShaka kaSenzangakhona nobubanjelwe ezinkundleni zemidlalo eStanger High School grounds.
Kulonyaka lomgubho ubuthanyelwe uNyazi lweZulu ongumholi webandla lamaNazaretha ngokumenywa ngokukhethekile iSilo esibusayo Ingonyama uMisuZulu kaZwelithini. Ngenkathi kuqhubeka umgubho weLembe iSilo sibonge oNdunankulu bonke kanjalo naMabutho, namaKhosi, Izinduna nabo bonke abeSilo abebekhona nakuba belina izulu kodwa baphumile ngobuningi babo sibe sesidlulisa lamazwi” Ngiyabonga eNkosini yamaNazareth uNyazi Lwezulu lunguBaba noMama kimi njengoba nazi ukuthi uMndlokombane neNdlovukazi abasekho emhlabeni ningibonele kakhulu Manazareth ngiyathokoza nina beSilo ubuhlobo benu neNdlunkulu busuka kude.” kusho iSilo.
Ekuqhubekeni koMgubho iNkosi uNyazilweZulu iphakamise ukuthi kube nesigodlo eStanger kanti iSilo enkulumweni yaso siphinde sayihlaba eyokuthi abantu besilisa bathathe izibongo zabantu besifazane.
