SBU MAMBA
IKaizer chiefs ezikashintsha Guluva, abafana bokuthula noxolo bazobambana ngezihluthu namaqembu amakhulu aseGibhithe iZamelek Sporting club yase Giza ne Almasry FC yase Port Said bese kuba yiZesco United yase Zambia kweyamaqoqo (Group D) kumqhudelwano wase-Africa we-CAF CONFEDERATION CUP , kulesigaba kudlalewa amaphuzu amakilabhu azoqeda endaweni yokuqala neyesibili azodlulela esigabeni esilandeyo somkhumulajezi, laphoke akudlalwa nezingane washaywa izinyawo zigcwala udaka.
IChiefs iwuqale kahle lomqhudelwano ka-2025 umdlalo wabo wokuqala ne Kabuscorp waphela ngo 1-1 kuhlanganisa umlenze wokuqala nomlenze wesibili yanqoba ngo 5-4 iChiefs sekushaywa amaphenathi, oweSimba bawunqobe ngo 3-1 eBobsonville Sadium kanti maningi amathuba okuthi ihambe ibanga elide kulonyaka njengoba iphethe abadlali abasezingeni eliphezulu futhi abanesipiliyoni sokudlala kulemiqhudelwano yase-Afrika oGlody Makabi Lilepo wase DR Congo, Flavio Silva wase Guinea, Godpower Ighodaro wase Nigeria noLebohang Maboe osuka kuMamelodi Sundowns. UReeve Frosler, Nkosingiphile Ngcobo nonozinti uBruce Bvuma wayekhona ngo-2021 kowamanqamu eCAF Champions League beshaya i-Ahly Ahly kuma Finals.
Amakhosi alolongwa uKhalil Ben Youssef noCedrik Kaze abasebenze nenkunzi emidwayidwa uNassreddine Nabi benqoba isicoco seNedbank Cup ngonyaka odlule kanti nabaphathi beChiefs benze umsebenzi omuhle bathenga abadlali abasezingeni eliphezulu abadlala ibhola elinenkosi phakathi o-Ethan Chislett, Nkanyiso Shinga, Khanyisa Mayo, Paseka Mako Godspower Ighodaro, Asnanele Velebayi, Sphesihle Ndlovu, Luke Baartman, Lebohang Maboe no Thabiso Monyane.
