SHEILA MHLONGO
Inhlangano yabezindaba zomphakathi I-Association of Independent Publishers (AIP) ibungaze ngempumelelo enkulu umcimbi wokuqeda iminyaka engu-20 yasungulwa kusukela ngonyaka ka-2005. Umcimbi ububanjelwe eHoliday Inn, Sunnyside eGoli ngomhlaka 13 November 2025.
Abanikazi bamaphephandaba omphakathi abevela kuzifundazwe ezahlukene eNingizimu Afrika bebephelele ngothi lwabo kukhona nezihambeli ezivela emkhakheni ehlukene yabezindaba, kanye nezinhlangano ezisebenzisana nabezindaba okubalwa I-MDDA, South African National Editor’s Forum, IFPM, kanye nezinkampani zabaxhasi bomcimbi, okuyi Sanlam, Caxton &CTP, FNB kanye ne Hollard.
Phakathi kwezikhulumi kube iPhini likaNgqongqoshe eHhovisi likaMengameli wezwe uMhlonishwa uKenny Morolong, okhulume ngokuzimela kwabezindaba kanye nekusasa layo, uSihlalo weBhodi le-MDDA uProfessor Hlengani Mathebula wethula umyalezo wokweseka I-AIP, usaziwayo kwabezindaba, ongumsunguli we SMWX Podacast uDr Sizwe Mpofu Walsh wethule inkulumo yokukhuthaza abezindaba ngeqhaza labo emphakathini.
Nakuba indima yabezindaba zomphakathi ithwele kanzima ngenxa yenkinga yokungatholi kahle uxhaso lwezikhangiso, ukukhuphuka okukhulu kwezindleko, ukushoda kwezinkampani ezingase zifake uxhaso, kanye nenkinga yokungasebenzi kahle kwezokuxhumana kwi-intanethi, nokho iphini likaNgqongqoshe ehhovisi likaMengameli wezwe lithembise ukuthi uhulumeni uzimisele ngokwenza isiqinsekiso sokufaka u-30% wemali yokufaka izikhangiso kulendima, wengeza ngokuthi uhulumeni uzoqinsekisa ukuthi lesithembiso siyafezeka.
Uhlelo beluphethwe ngobuchule, uSlindile Khanyile ongumsunguli we- Umbele Magazine kanye nelunga leBhosi le-AIP. Kanti uSihlalo webhodi le-AIP u-Anetta Mangxaba wethule inkulumo yokuvula umcimbi ebalula ukubaluleka kweqhaza labezindaba zomphhakathi njengoba kuyibo abaseduzane kakhulu nabantu emazingeni aphansi.
Kuwo lomcimbi kuphinde kwahlonishwa izingqalabutho zenhlangano ye-AIP okuyizona ezabamba elikhulu iqhaza ekusungulweni kwayo. Ekupheleni kohlelo kube sekusikwa ikhekhe okube uphawu lokubungazwa kweminyaka engamashumi amabili.
