SBU MAMBA
IKaizer Chiefs ezika-Shintsha Guluva abafana bokuthula noxolo bajabalise iNingizimu Africa kowe CONFED Cup beshaya iKabuscorp yase Angola ngo 5-4 sekushaywa amaphenathi, emlenzeni wokuqala iKabuscorp yanqoba ngo 1-0 kanti eFNB eStadium iChiefs ikushintsile ukudla epletini yawina ngo 1-0 emdlalweni wasekhaya , i-Agreggate score kube u 1-1 kwayiwa kumaphenathi yafike yanqoba kanjalo iChiefs ngo 5-4 yadlulela esigabeni esilandelayo sokuhlungela imidlalo yama GROUP STAGES ye CONFED CUP
IChiefs iwanyuse kakhulu amasokisi kulomdlao , isekela lomqeqeshi uCedrik Kaze usishitshe kancane isikimu esisiwini , ubegadla ngo Nkosingiphile Ngcobo no Mduduzi Shabalala kanti emvakwabo bekudlala uNyambose u-Sibongiseni Mthethwa , kanti kumafolosi bekugjima uPule Mmodi , Du Preez nonyazi lomgadli uGlody “Makabi” Lilepo insizwa edabuka kwelase DRC eshaye igoli lokuwina ,esiwombeni sokuqala iChiefs ithole amathuba amaningi okushaya amagoli yadlala ngawo bekubhoke kakhulu uLilepo no Shabalala kanti nasesiwombeni sesibili bekukhonya iChiefs ngebhola elihle namathuba okuthola amagoli ,umgadli weMpofana uFlavio Da Silva uthole ithuba elihle sekuyophela isiwombe sesibili walivimba unozinti weKabuscorp.
Izwe laseNingizimu Africa limelwe amaqembu amane emiqhudlwaneni yase Africa ,iChampions League kune Mamelodi Sundowns ne Orlando Pirates kanti ku Confederation Cup kugijima iKaizer Chiefs neqembu laseKappa iStellenbosch. I-Sundowns nePirates bafuna inkanyezi yesibili.
UMagebhula wagcina ukunqoba lomqhudelwano we CAF ngonyaka ka 1995 yathola inkanyezi kanti Amasandawana inqobe lomqhudelwano ngo 2016 iqeqeshwa uMnumzane Pitso “Jingles” Mosimane yathola inkanyezi.
