ZAMA MAJOLA
Amalungu angu-377 asanda kuqeqeshwa ezokuphepha abekwe eNanda. Laba ababuthiwe baphuma ezigcemeni zendawo eziyishumi nanye futhi bamele amaqembu afana no-CPF, i-Neighbourhood Watch kanye ne-Youth Crime Prevention Desk. Baphinde baphothula uhlelo lokuqeqeshwa okukhethekile okuhloswe ngalo ukuqinisa imizamo yokulwa nobugebengu endaweni. Le ndawo iphinde yathola isiteshi samaphoyisa esingumahamba nendlwana ukuze kuthuthukiswe ukubonakala nokweseka amaphoyisa endawo.
INanda ijwayele ukuba ngenye yezindawo ezinhlanu ezihamba phambili ezweni ezinobugebengu obunodlame, ikakhulukazi ukubulala nokudlwengula. UNdunankulu waKwaZulu-Natal, uThami Ntuli, obemukele labo ababekiwe wabe esedlulisa nokuthi behlile lobu bugebengu kulandela ukungenelela kwezokuphepha kulezi zindawo. UNdunankulu uphinde wethula ithimba laseNanda elizohola ukukhuculula, ukushayela, nokubhekana nezimbangela zobugebengu. Ushayele ihlombe izakhamuzi ngokusebenzisana ukuqeda ubugebengu kanye nokuba izakhamuzi ezikhuthele.
