ZAMA MAJOLA
Inhlangano ehamba phambili yokuthuthukisa intsha isinxuse ukuthi kube nokusebenzisana okuqinile phakathi kukahulumeni, izinkampani kanye nezinhlangano ezizimele ukuze kubhekwane nendida ekhulayo yezingane ezingondlekile ezihambisana nokukhuluphala ngokweqile. U-Afrika Tikkun uthe ukudla okunomsoco okuthuthukisiwe kumele kudlulele ngale kokubala ukuthi zingaki izingane ezidlile.
Ngesikhathi izwe liqeda ukubungaza iNational Nutrition Week, inhlanganiso ezizimele zodwa zixwayise ngokuthi isimo sokusweleka kokudla eNingizimu Africa sesenze inguquko enkulu. “Ukungondleki akusabukeki njengengane enesisindo esiphansi. Sibona izingane ezikhuluphele ngokweqile noma ezikhuluphele ngenxa yokuthi azikudli ukudla okufanele. Imindeni igcwalisa izisu, hhayi imizimba enempilo,” kusho uNellie Zembe, inhloko yeqembu lezokuqapha, ukuhlolwa, ucwaningo nokufunda e-Afrika Tikkun.
Ngokombiko wakamuva we-Unicef womhlaba wonke, ukukhuluphala sekwedlule isisindo esingaphansi kwesisindo esivame kakhulu phakathi kwezingane ezifunda isikole kanye nentsha. INingizimu Afrika ibhekene “nomthwalo ophindwe kabili” okhulayo wokudla okungenakhwalithi okudala ukungondleki kanye nokukhuluphala emiphakathini efanayo.
Ezinganeni ezifunda isikole, lesi sisekelo sokudla sithinta ngokuqondile ukugxilisa ingqondo, ukuya esikoleni, nokusebenza kahle kwezemfundo. Izinhlelo zezemidlalo nezokungcebeleka ze-Afrika Tikkun ziqinisa lendlela ephelele. Wengeze ngokuthi ukukhuluphala ngokweqile kuthinta ikhono lengane lokunyakazisa umzimba, ukuzethemba kanye nekhono lokugxilisa ingqondo ekilasini. Yingakho sihlanganisa imidlalo kanye nokwelulekwa ngokudla okunempilo. Ukudla okunomsoco akusho lutho uma izingane zingasebenzi futhi zingaphilile ngokwengqondo.
