SHEILA MHLONGO
Inkamapani yamaselula i-Cell C, ngokubambisana ne-Gift of the Givers, imemezele ukuthi isiqedile ukulungisa kabusha izakhiwo zesikole i-Seatides Combined School, ezonakaliswe kakhulu yizikhukhula za-KwaZulu-Natal ngoJuni 2024. Isiphepho esashaya iTongaat, iWestbrook neSeatides sacekela phansi amagumbi okufundela.
I-Cell C kanye ne-Gift of the Givers babambisene ukwakha kabusha lesi sikole, ukuze abafundi babe nezindawo zokufunda eziphephile. UFarhad Suleman uthe, “Abantwana bayikusasa lethu, kumele sibanike izindawo ezifanele zokufunda.”
UDkt. Imtiaz Sooliman uthe, “Lolu wuhambo olukhulu emphakathini waseSeatides. Isikole siyinhliziyo yomphakathi, futhi lokhu kuvuselela kutshengisa ubuntu bokusebenzisana.”
Lolu hlelo luwumzamo ka-Cell C wokweseka intuthuko entsheni kanye nokwakha ikusasa eliqinile leNingizimu Afrika. I-Cell C ikwazile nokulungisa izikhungo zezempilo ezine eMpumalanga Kapa.
