SHEILA MHLONGO
Abalimi abancane abasuka ezingadini zokudla zomphakathi ezingaphezu kuka-60 ezisakazeke kuyo yonke iNingizimu ye-Afrika bathole ithuba eliyingqayizivele lokuthengisa ngezitshalo zabo kumakhasimende ezitolo ezikhethiwe zakwaShoprite neCheckers ngosuku lweMakethe yabathengisi (Market Day) ngomhlaka 3 Ephreli 2025.
Usuku Lwemakethe (Market Day) lusiza abalimi abasafufusa ukuba bathole imali engenayo, bathuthukise amakhono abalulekile ebhizinisini nasemkhakheni wezohwebo futhi baxhumane ngqo namakhasimende esitolo. Lolu hlelo luyinqubo mgomo wokuzibophezela kwesitolokazi sakwaShoprite/ Checkers group lokweseka imizamo yokunciphisa indlala kanye nokuqinisekisa ukuthi kuhlale kunokudla okwanele.
“Usuku Lwemakethe luyaqhubeka nokukhula minyaka yonke, luvulela izingadi zemiphakathi ithuba lokuthi ilethe izitshalo kumakhasimende esitolo.” kusho uSanjeev Raghubir, Isikhulu Esiphezulu Sezindaba Zokusimama esitolokazi sakwa-Shoprite. “Ngaphezu kokuletha imali engenayo, lolu suku lufundisa abalimi ulwazi olubalulekile lwezohwebo futhi lugqugquzela izindlela zokulima ezimelana nezinguquko zesimo sezulu, ezibalulekile ekuqinisekiseni ukuthi ukudla kuhlale kukhona isikhathi eside.”
Ngohlelo lwalo i-Act For Change, iShoprite Group isekela izingadi zokudla zomphakathi ezingaphezu kuka-260 kanye nezingadi zasemakhaya ezifika ku-4 000 lokhu okuthinta izimpilo zabantu abangaphezu kuka-80 000.
