SHEILA MHLONGO
Emizamweni yokweseka intuthuko yabalimi kanye nokuqinisekisa ukuthi kunokudla okwanele, uNdunankulu waKwaZulu-Natali uMhlonishwa uThamsanqa Ntuli wethule ngempumelelo izimoto ezibalelwa ku-124 kuhlanganisa nogandaganda okuwuhlelo olungaphansi koMnyango wezoLimo kanye nokuThuthukiswa kweziNdawo zaseMakhaya. Lomcimbi ububanjelwe ekomkhulu lomnyango eCedara ngoLwesine lomhlaka-12 Juni 2025
Zonke lezimoto ezibalelwa ku-100 kanye nogandaganda abangu-24 zifakwe ama divayisi okuvimba ukuthi zingantshontshwa kanye nokudunwa.
Njengengxenye yemizamo kahulumeni waKwaZulu-Natali yokwenza ngcono umkhakha wezolimo, uNdunankulu uNtuli wethule lezimoto ukuze kuqiniswe ezolimo esifundazweni.
Ogandaganda bazokwenza umsebenzi wezolimo, ukutshala kanye neminye imisebenzi ngaphansi kwezolimo, ukuze ubhekane ngqo nezidingo zomphakathi osunesikhathi eside ukhathazwa ukungabi nazo izinsiza ezanele zokwenza imisebenzi yezolimo.
