SHEILA MHLONGO
UMeya kaMasipala weTheku, uKhansela Cyril Xaba, wemukele amalungu angaphezu kuka-200 ombutho wezokuvikela waseNingizimu Afrika eThekwini.
LamaJunior Commanders, azinze eSouth African Army College ePitoli, bebesohambweni lokufunda ezweni lonke beyofunda ngomlando waseNingizimu Afrika. Leli qembu belihlanganisa abafundi abavela emazweni ahlukene ase-Afrika nase-Asia.
Ekhuluma nabakhuzi, iMeya uXaba izwakalise ukujabula ngokuthola ucingo oluvela kuMphathi Wezempi, emema ukuba ahlangane nethimba. Ekhulumela umbutho uMajor-General Zama uzwakalise ukubonga ngesenzo seMeya, wasichaza njengokuqhubeka kobudlelwano obuqinile phakathi kwamasosha nedolobha iTheku.
