ZAMA MAJOLA
ITheku libheka izinhlelo zesikhumulo sezindiza sesibili eNingizimu Afrika ukuze kuthuthukiswe ezokuvakasha kanye nokuxhumanisa ezokuvakasha, ngokwesiphakamiso esavezwa ngesikhathi kuqhubeka i-Mayor Tourism Trade Stakeholder Engagement eyayisekuqaleni kukaSepthemba.
“UMasipala ubheka ukukhula kokutshalwa kwezimali ngaphakathi kwedolobha nakwamanye amazwe. Uphinde ubheke izindlela ezahlukene zokusebenzisa amathuba avela ngenxa yokukhula komnotho. Njengengxenye yocwaningo, uMasipala ubheka ukuthuthukiswa kwesikhumulo sezindiza sesibili eningizimu yeTheku. Kuyaziwa ukuthi izikhumulo zezindiza zisebenza njengento ekhuthaza ukukhula komnotho kamasipala,” kusho obekhulumela uMasipala weTheku uGugu Sisilana. Lokhu kuzosiza ekutheni abantu behlukane phakathi abanye besebenzise esinye isikhulumo sezindiza.
Kuzosiza nangezikhathi zoDisemba lapho iningi labokufika lisuke lizikhiphele khona eThekwini ukuzozijabulisa ngezindawo ezinhle nezihehayo ezikulendawo.
