NOMTHANDAZO MAGOSO
Iphini likaNgqongqoshe Dkt. Nomusa Dube Ncube uvakashele ikolishi (college) elisemlazi elaziwa ngokuthi i-Coastal KZN College ekwa-V eMlazi, mhla zingu-14 Novemba 2025. Engahambi yedwa ehamba nezikhulu ezivela eMnyangweni wezeMfundo ephakeme abaqeqeshiwe abavela kwa-SETA, nabakwa-NSFAS kanye noMnu. Nkosinathi Mchunu, oyibamba leMenenja Yesifunda eKZN, ugcizelele ukubaluleka kokuqeqeshwa komsebenzi ngamakolishi e-TVET njengoba umfundi uphuma esekwazi ukuzenzela imisebenzi abenesipiliyoni esisebenzayo.
Uveze ukuthi izifundo ezifana ne-Life Orientation kufanele zilungiselele abafundi impilo yasekolishi futhi zigxilise isiyalo ukuvimbela ukusetshenziswa kabi kwezimali ze-NSFAS ekusebenziseni izinto ezifana nezidakamizwa. UMchunu uphinde uthe, ukubamba iqhaza okukhulu kwabafundi basemakhaya kuguqula amakolishi e-TVET, ayekade ebhekwa njengezikhungo zentsha esikhulile. Ukhuthaze abantu abasha ukuthi bahlole izindlela zomsebenzi kanye namakolishi othisha njengezindlela ezisebenzayo zokwakha amathuba emisebenzi.
UDkt. Nomusa Dube Ncube, akagcinanga ngokugqugquzela njengoba ebehamba nabakwa-NSFAS uphathele abafundi abenza kahle ezifundweni zabo emakilasini ngokubapha izipho zama laptop, abafundi abavela ezikoleni ezahlukeni nakhona Coastal College kukhona owine nge-laptop abafundi abahlomulile ilaba, Anami Msimang wase Zwelethu high School, Zuzithemba Shange wase-uMlazi Senior School, Lungelo Xaba wase Coastal Kzn College, Shodi Zindela wase Mbelebele high school, Akhona Madikizela wase Naleli High School noYandisa Mkhwane wase King Shaka High School.
