SHEILA MHLONGO
Nakuba ngesikhathi sokushicilelwa kwephephandaba iKZN Namuhla bekungakakhishwa isitatimende esibika ngobungako bezingozi zomgwaqo ngesikhathi samaholidi ePhasika, kodwa kubukeka uzuze izithelo ezinhle umkhankaso kahulumeni wesifundazwe saKwaZulu-Natali wokuvimba ukwanda kwezingozi zomgwaqo njengoba bekusazwakale ukuthi babalelwa ku-6 kuphela abadlule nezingozi zomgwaqo uma kuqhathaniswa nonyaka ophelile ngesibalo esingu 304.
Kuzokhumbuleka ukuthi ngaphambi kwamaholide ePhasika uNdunankulu waKwaZulu-Natali uMhlonishwa Thamsanqa Ntuli ubehambisana noNgqongqoshe wezokuThutha kanye nezokuHlaliswa kwabantu uMnu Sboniso Duma bekanye noKhomishana wamaPhoyisa KwaZulu-Natali uNhlanhla Mkhwanazi lapho bethule khona umkhankaso wokuvimba izingozi baphinde benza nemigoqo emgwaqeni (Road Blocks kuthelwayeka eMarianhill Toll Plaza kanye nasendaweni yasePietermaritzburg ekhungethwe izinzo zobugebengu.
