SHEILA MHLONGO
UNgqongqoshe Wezokubusa Ngokubambisana Nezindaba Zomdabu KwaZulu-Natal (COGTA), uMhloniswa uThulasizwe Buthelezi, wamukele isinqumo soMnyango Wezamanzi Nokuhlanzeka sokuthumela olunye uxhaso lwezigidi ezingu- R317 million zokubhekela izingqalasizinda zamanzi ezabelwa omasipala esifundazweni sonke.
Lolu xhaso olwengeziwe, olunikezwa ngaphansi kwe-Water Services Infrastructure Grant (WSIG) kanye ne-Regional Bulk Infrastructure Grant (RBIG), kuhloswe ngalo ukusiza omasipala abanegunya lamanzi ukuthi bandise ukufinyelela kwamanzi emphakathini.
Ukwabelwa okungeziwe ngaphansi kwe-WSIG kuhlanganisa:
• UMasipala Wesifunda sase-Ugu – R15 million.
• UMasipala Wendawo yaseNewcastle – R15 million.
• UMasipala Wesifunda sase-Amajuba – R15 million.
• UMasipala Wesifunda saseZululand – R55.434 million.
Ngaphezu kwalokho, uMasipala Wesifunda saseZululand unikezwe enye imali engu-R217.247. million ngaphansi kwe-RBIG.
UButhelezi uthe lolu xhaso oluthe xaxa olunikwe laba omasipala, ngenxa yokusebenzisa kahle uxhaso lwangaphambilini, lukhombisa ukuzibophezela okuqinile ekwandiseni ukufinyelela kwamanzi, ikakhulukazi ezindaweni zasemakhaya.
“Isamba sonke soxhaso olwengeziwe olunikezwe laba omasipala singu-R317 681 000. Le mali izosetshenziselwa ukwengeza amaphrojekthi ezingqalasizinda zamanzi ukuze kuqinisekiswe ukuthi amanzi afinyelela kuyo yonke imiphakathi yaKwaZulu-Natal,” kusho uButhelezi. – SAnews.gov.za
