SBU MAMBA
Ziwahambela kahle izinto Amabhakabhaka I-Orlando Pirates kulesizini ka-2025/2026 i-Orlando Pirates izoya ku-AFCON ihleli phezulu ku-Betway Premiership ngemuva kokuthi iMamelodi Sundowns idlale ngokulingana 1-1 nezinsizwa zase Freestate iSiwelele emdlalweni weligi obuse Dr. Molemela Stadium ngoLwesithathu busuku .
Ompetha beligi Amasandawana abhala ayacisha kulesizini izinto zayo azihambi kahle kuligi ngoLwesithathu idlale ngokulingana neSiwelele, manje isemuva ngamaphuzu amabili kuPirates ehleli kunamba 1, kanti lezinkunzi zaseSoweto zisenomdlalo ezandleni. IPirates inamaphuzu angu-28 emidlalweni engu-12 kanti iSundowns isaphethe amaphuzu angu-26 emidlalweni engu-13 , iShoe & Piano iye kulomdlalo inethemba lokuthi izobuya namaphuzu amathathu ibuyele esicongweni seligi kodwa abafana besiwelele bashaya pansi ngonyawo bathi Lutho eLuthela bathi sothatha iphuzu nani nithathe iphuzu , iPirates ibhaxabule iDurban City eMoses Mabhida Stadium eThekwini ngesonto elidlule yahlala esicongweni se Betway Premiership.
Igoli leSiwelele lingene ngesiwombe sokuqala , isitobha seSundwons uKegan Johannes nonozinti uRonwen Williams ophinde avimbele iqembu lesizwe iBafana Bafana benze iphutha emuva kwaqhamuka uPostane walithatha ibhola waliphasela uVincent Pule lakhala enethini. I-Sundowns ibilokhu ilwela ukuthola igoli lokulinganisa kodwa zivimba izitobha zesiwelele. Umqeqeshi we Sundowns uMiguel Cardoso wenze ushintsho kabili ngaphambi nje kokuphela kwehora ekhipha u-Aubrey Modiba noMiguel Reisinho wafaka uThemba Zwane no-Arthur Sales.
UZwane ube nethuba lokulinganisa ngaphakathi kwebhokisi kodwa wadlala ngalo, uCardoso uphinde wenza olunye futhi ushintsho ngomzuzu ka-71, wafaka uLebo Mothiba esikhundleni sikaMarcelo Allende. akuphelanga ngisho imizuzu eyishumi engenile uMothiba walibeka phakathi etakula iSundwons ecishe yadliwa iSiwelele, umdlalo ugcine uphele.
