Abadlali be-FNB Wits bebungaza indebe yesicoco se FNB Varsity Shield abayiwine ngesikhathi benqoba i -FNB WSU
SHEILA MHLONGO
I-FNB Wits iwine isicoco seFNB Varsity Shield ngemuva kokushaya iFNB WSU ngo 44-18 emdlalweni wokugcina obubanjelwe eJohannesburg. Inkundla ibigcwele, kanti abalandeli bathole umdlalo omnandi ogcwele injabulo.
IWits, ebiyintandokazi, iphumelele kalula futhi ikhombise amandla kusukela ekuqaleni kuya ekugcineni. Nakuba iWSU iqale kahle ngokushaya iphenalthi kuqala, iWits iphinde yabuyela ngamandla yashaya ama-try amaningi ngesikhathi esifushane.
Sekuyisikhathi sekhefu iWits ihamba phambili ngo 27-13. Engxenyeni yesibili iqhubekile nokubusa, yandisa umehluko ngamanye ama-try yaze yaqinisekisa ukunqoba.
UChristopher Kachungunu uqokwe njengomdlali ovelele womdlalo (Player of the Match) ngenxa yokudlala kahle nokushaya ama-try amabili.
