IRoyal AM isimemezele ukuthi isayinise uHappy Jele owayengukaputeni we-Orlando Pirates.
UJele, osezodlala imidlalo engu-300 yeligi nosehlale engenaqembu kusukela ekupheleni kwesizini edlule eshiya kumaBhakabhaka, uzokwengeza kubadlali basemumva kwiRoyal AM.
Unomsebenzi onzima ezandleni zakhe wokuthuthukisa ubuthakathaka beqembu emva njengoba iRoyal AM iputshuze amagoli angama-26 emidlalweni engu-18 emidlalweni yeDstv Premiership. Iqembu lamukele lo mdlali wasemuva obengumdlali wasemumva kuMabhakabhaka ngokwesitatemende seqembu esithunyelwe kwabezindaba.
Iqembu njengoba lisemukhankasweni wokulekelela iqembu ukuthi lenzekahle liphinde lalanda umqeqeshi walo omdala waseMalawi uJohn Maduka, uMaduka uyena obebambe izintambo ngesikhathi uThwihli Thwahla ivutha engabaselwe ngesizini edlule nokulindeleke ukuthi aphinde ayibuyisele ezingeni elifanayo njengoba ingenzi kahle.
kwiMaritzburg United , izinto azihambanga ngendlela abelindele ngayo njengoba imiphumela ibisilingana emidlalweni engu-13 abeyibhekile, ukwazile ukunqoba emibili kuphela, wadlala ngokulingana kwemihlanu, wahlulwa kweyisithupha.
Njengamanje i-AM ihlezi endaweni ka-12 ngamaphuzu angu-21 ngemuva kwemidlalo engu-18 yeligi kulandela.
