UMasipala weTheku ungakuqinisekisa ukuthi ngemuva kokuba ube nezingxoxo no-Eskom, usubuyekeziwe umthelela weDolobha ohlelweni lokucishwa kukagesi ngenhloso yokuwonga. Uhlelo olunezikhathi ezintsha zokucishwa kukagesi luzoqala ukusebenza kusukela ngomhla ka-25 Meyi.
IDolobha limatasatasa nokuphothula ukuchibiyela uhlelo lokucishwa kukagesi kanti umphakathi uzokwaziswa ngalo uma uhlelo seluphothuliwe. Ukuhlelwa kwezikhathi zokucisha ezindaweni zokuhlala kuchitshiyelwe ukuze kuhambisane nezinguquko okumele zenziwe. Amakhasimende anxuswa ukuba abheke izindawo ahlala kuzona nezinombolo zawo ezintsha uma uhlelo selukhishiwe.
Ngokomgomo woMkhandlu weTheku, uthi ukuvikelwa kwezinye izimboni kuzoqhubeka ngaphansi kohlelo oluchitshiyelwe. Izimboni ezingaphansi kukaBlock 17 kuya ku-20 zizocishelwa ugesi uma kuyisigaba sesikhombisa kuphela, zicishelwe amahora amane ngesikhathi. Kulindeleke ukuthi lokhu kwehlise umthelela wokucishwa kukagesi emkhiqizweni.
