Amaphoyisa eMetro ngaphansi kukaMasipala waseThekwini baqalise umkhankasowokuqwashisa intsha ngophuzo oludakayo kanye nezinye izinhlobo zezidakamizwa nokukhulelwa okungahleliwe.
NgoMsombuluko womhlaka 20 Meyi amaphoyisa kaMasipala ehambisana neKwaZulu-Natal Liquor Authority bavakashele isikole iNew River Combined School, emaQadini, ukuyoqwashisa abafundi.
Lo mkhankaso uyingxenye yezinhlelo zikaMasipala weTheku neminyango kahulumeni eyahlukahlukene njengoba kuzobe kuqala uJune okuyinyanga yeNtsha.
