Owami Thabethe
Idolobha lase Thekwini libambe inkomfa enkulu I reSurgence conference e Nkosi Albert International Convention Center (ICC) kusukela ngomhlaka 17-21 Julayi 2024. Ubambiswano oluvele kwi-RESURGEnce Conference Durban kulindeleke ukuthi luveze utshalomali lwenani lama-USD 4 billion eNingizimu Afrika eminyakeni eyishumi ezayo. Lokhu kuhlelwe ukuthi kuzuzwe ngamaphrojekthi ahlanganisa imikhakha eyahlukene, kugxilwe ekuthuthukiseni amabhizinisi abantu abamnyama.
USihlalo wezamabhange nokutshalwa kwezimali esifundazweni saseNew York, uSenator James Sanders Junior udalule ukuthi bahlose izinguquko kwezomthetho e-United States of America (USA) ezizovumela ukutshalwa kwezimali kalula okubhekiswe kubantu abamnyama base-Afrika.
“Zikhona izinhlelo zokuchibiyela umthetho futhi zibe nemigomo nemithetho ezobavumela ukuthi batshale imali yabo yempesheni emadolobheni ase-Afrika ikakhulukazi iTheku,” usho kanje.
I-RESURGEnce Convener kanye Nomshicileli we-New York Christrian Times, uMfundisi uDennis Dillon uthe ingxenye ebalulekile ye-RESURGEnce movement ukuthi izwekazi lase-Afrika lilahlekelwe amandla omnotho. Uthe le nhlangano ihlose ukuguqula izinto zibe ngendlela. “Yingakho sihlose ukutshala imali yethu yempesheni eThekwini.”
Umfundisi uDillon uthe ezokuvakasha zihamba phambili ohlwini lwabathakaselwayo. “ITheku liyiDolobha lokungcebeleka ngakho singathanda ukwenza ama-synergies ukuze lisebenze ngokugcwele. Ngokusebenzisana, bengahlanganisa abathuthukisi bezokuvakasha base-USA nabaseThekwini kanye nezihlakaniphi.
Wengeze ngokuthi ezinye izindawo ezithakaselwa yi-USA ezokwakhiwa kwezindlu, ukuthuthukiswa kwezakhiwo kanye nokutshalwa kwezimali kwezakhiwo ngamaholide. Uthe lokhu kuzoqinisekisa ukukhula okuqhubekayo kwezokuvakasha njengoba abanikazi bezindawo bezoqinisekisa ukuthi kuhlala abantu abaningi, ngaleyo ndlela baqhakambise iTheku njengendawo yokuvakasha ethandwa kakhulu. “Sibheke ngabomvu ukuzibophezela ekusebenzisaneni okuqinile phakathi kwabantu base-Afrika nabaseMelika ukuqinisa ubudlelwano phakathi kwabaholi bamabhizinisi nosomabhizinisi,” kusho uMfundisi Dillon.
I Meya yeTheku ukhansela Cyril Xaba kanye nezinye izehambeli zase Melika zixhase osamabhizinisi abasafufuza abekade bedayisa kumbukiso kuyona lenkomfa ngokuthenga okunye abakudayisayo. UMfundisi Dillon uthenge ihembe kanye nezicathulo njengendlela yokuveza ukweseka umsebenzi wezandla owenziwa abantu bakuleli. Uhlelo lokuqinisekisa ukubulawa okungenazihibe luzocaciswa. Abafundi bamukelwe izinkampani eziyisikhombisa ezisunguliwe zase-USA, okuhlanganisa nendawo yokudlela ekleliswe endaweni eyi-10 esezingeni eliphezulu ese-Harlem, i-Melba’s.
