Uhlelo lweDDP Migration Project lukhombisa imiphumela emihle kakhulu njengoba lubonakalisa ukuthi lukwazile ukushintsha izimpilo zabantu bakuleli kanye nalabo abangabokufika lapha eNingizimu Afrika.
Kumbhidlango wokuqeda indlala, u-Tongaat Hulett usebenza ngokubambisana nabesimame abakhiqiza ukudla abangu-mfelandawonye. Lokhu kusebenza ngokubambisana sekulekelele lamalungu e-project ukuthi akwazi ukondla imindeni yayo baxoshe ikati eziko.
Bekukuhle kudelile abafundi bakamatikuletsheni baseSidelile High School eMagabheni, bewola imiklomelo yezindondo ngesikhathi benzelwe umimbi wokubahalisela ngomsebenzi wabo omuhle. Kanti neNkosi yesizwe saseMathulini ibikhona ukuzobonga abafundi – IZITHOMBE ZITHUNYELWE : UTHISHANHLOKO UNKK GWALA
Inhlangano engenzi inzuzo iDominion Foundation(NPO ne PBO) yenza umsebenzi omuhle wokuthuthukisa osomabhizinisi abancane ukuze nabo basimame, lokhu kuhlaluke ngesikhathi lenhlangano isingathe iWorkshop yabazali (Family’s parenting workshops) ebibanjelwe esikoleni samabanga aphansi Ekuthuleni Primary School esendaweni yaseMaoti enyakatho neTheku.
ITheku lidle umhlanganiso lizuza indondo yokuba uMasipala okwazile ukuthuthukisa abantu besifazane ngaphansi kohlelo lwe Gender Equality. Lokhu kuhlaluke ngesikhathi loMkhandlu wemukeliswa indondo emcimbini weSebenza Women Awards 2023, obubanjelwe eDurban ICC eThekwini ngoLwesihlanu lomhlaka 6 Okthoba 2023.
UDktl. Wendy Geza uzuze iziqu zobudokotela kwezoLimo phecelezi kwi- Transformative Agricultural Systems. Uqale uhambo lwakhe kulendima yokuqeqeshelwa i PhD in Food Security khona eUKZN ophikweni lwe Agricultural Extension and Rural Resource Management (AERRM).
I-University of KwaZulu-Natali (UKZN) ikhiqiza izifundiswa zemikhakha ehlukene , lapha sibala iziqu emazingeni asezansi, iziqu ze Masters, ezobudokotela kuze kufike ekukhushulelweni kwezobuProfessor. IZITHOMBE ZITHUNYELWE
SHEILA MHLONGO
Kuzokhuphula umnotho wesifundazwe ukuvulwa kwemboni yomkhiqizo weFuture Life. Lokhu kushiwo uNgqongqoshe wezokuThuthukiswa koMnotho, ezokuVakasha kanye nezeMvelo KwaZulu-Natali uMhlonishwa uSiboniso Duma ngesikhathi evula ngokusemthethweni iFuture Life ngoLwesine lomhlaka 5 October 2023 eDube Trade Zone enyakatho yeTheku.
Isikole esakhele indawo yaseNkwali KwaThoyana sibenomcimbi wokuklomelisa abafundi abenza kahle kwizifundo zabo ngomhlaka 26 September 2023. Ngokusho kuka thishomkhulu ongamele lesikole uMnu Dlamini unabe kabanzi ngokubaluleka kwalomcimbi wokuklomelisa abafundi. “inhloso yethu ukukhuthaza abafundi kusuka ku Grade 8 kuyaku Grade 12 okusemqoka ukubagqugquzela ekwenzeni kahle kwizifundo zabo njengoba kulonyaka silindele imiphumela emihle , sinezinhlelo esiziqhubayo zokulekelela umatikuletsheni wethu wangalonyaka futhi sesimi ngomumo ekubhaleni izivivinyo zokuphela konyaka ngibonga kakhulu nakubazali nakwisigungu sesikole ngokubambisana okuhle sibonge neqembu lomculo i United Brothers okuyiyo esibambisene nayo kuhlelwa lemikomelo yabafundi” kuphetha uMnu Dlamini
