NKOSIE NTOMBELA
Icala elibekwe iNkosi yakwa Mpumuza iNkosi K.S Zondi emangalelwe uNdumiso Chamane alizange lihlale eMgungundlovu ngoLwesine lomhlaka 5 Okthoba 2023.
Ijaji lenkantolo lethula isinqumo liphakamise ukuthi ummangali njengoba kuyicala elisemehlweni omphakathi abezindaba ababesenkantolo bangamuvezi ngenxa yokusabela ukuthi uzokwaziwa emva kwaloko yabe isiphakamisa ukuthi loludaba liyokhulunywa uMkhandlu wamaKhosi bese bebuyela eNkantolo ngomhlaka 27 Okthoba 2023 emva kokuthi sekuboniswene kubukhosi bakwaMpumuza.
Inkosi KS Zondi ikhuluma neNtatheli yeKZN Namuhla ithe ” Njengenkosi loludaba seluthathe isikhathi kodwa njengoba inkantolo ikhethe ukuludlulisela emkhandlwini lokhu kuchaza ukubaluleka kwamaKhosi ezindaweni zawo esithembayo soqhamuka nesixazululo uma sengixoxisene nabameli bami” kuphetha iNkosi K.S Zondi.
Khonamanjalo okhulumela iMpumuza Traditional Counsil uMzamo Zondi uchaze kabanzi ngokukhathazeka njengoba lelicala lingakaphothulwa “kuyakhathaza ukuthi loludaba sekuze kwafika la kumele libuyele emkhandlwini lokhu kuzosinika ithuba lokuthi siluxoxe ludlule bese kuba nokuthula endaweni”
Amalungu omphakathi nezintombi zesizwe kanye nababutho esizwe abedinwe ethelwe ngezibonkolo ecula izingoma zokweseka iNkosi yakwaMpumuza.
