SBU MAMBA
Inhlangano eyengamele ibhola kuleli iSouth African Football Association (SAFA) ithembise abadlali beqembu lesizwe iBafana Bafana, umklomelo ka R7 million wamarandi uma benqoba iNdebe ye Afcon.
Kodwa umengameli we SAFA ukubeke kwacaca ukuthi isivumelwano sabo sithi uma bewina
isicoco se Afcon bazowuthola lo R7 miliion kodwa uma behlulelike bebuya bencela izithupha ngeke bawunuke lo R7 million.
Isekelela lika kaputeni we Bafana u Percy Tau ekhuluma nabezindaba uthe bazokwenza konke okusemandleni ukuthola imiphumela emihle kulomqhudelwano omkhulu e Africa ( Afcon) uqale mhla zingu 13 kwephezulu kanti uzophela mhla zingu 12 kuNhlolanja. Ithemba leNingizimu Africa liku Hugo Broos umqeqeshi we qembu lesizwe , lenziswa yase Belgium isike yasinqoba lesicoco se Afcon e Gabon 2017 esaqeqesha isikwati sase Cameroon.
