SHEILA MHLONGO
Abenhlangano iKeep It Moving Arts ne Radio 4000 basingathe umkhankaso wokuqwashisa nge HIV nezifo zocansi okuhlanganisa nesifo sofuba (TB) ngoLwesihlanu lomhlaka 16 Febhuwari 2024.Kanti bekunandisa iNext Level Youth Generation, Inyathi-Maskandi kanye nabe Ikasi Lifestyle Entertainment.
UXolile Ngubane wenhlangano iKeep it Moving Arts ngokubamisana no Sizwe Memela wakwi Radio 4000 ibona abebephethe uhlelo
UBongumusa Dumakude oyi-CEO yase Ashdown Clinic ugcizelele ukubaluleka kwentsha ukuthi iqonde ngemisebenzi yeClinic .Kanti lowo oyi Face of KZN Model Search Contest male winner uMarvin Green yena uxwayise intsha ngezifo zocansi ezithathelwanayo kwathi uNomonde Langa wakhuluma ngokusetshenziswa kwezidakamizwa.
UMnqobi Tolo, onguSihlalo wenhlangano Umgungundlvovu District Aids NGO Forum, uphonsele intsha ukuthi inakekele izimpilo zayo.
UConstable Boston wase Plessislaer Police Station ‘s Social Crime Unit uchazele intsha ngamathuba ezinhlobo zemisebenzi ngaphakathi embuthweni wezamaPhoyisa (South African Police Services).Kwathi uDumisani Phungula oyikhansela laku ward 32 yena ubonge zonke izikhulumi kanye nabahleli bomcimbi ngemizamo yabo yokuhlanganisa izinhlaka ezahlukene.
Photographer: Bengs Nkosi
