SBUH MAMBA
Izikhondlakhondla zePSL , iKaboyellow Masandawana iMamelodi Sundowns , abafana bokuthula noxolo iKaizer Chiefs nezakaMagebhula I-Orlando Pirates bazibekisele indawo kuma Semi-Finals eNedbank Cup , balale bemamatheka abaxhasi beNedbank Cup ngempelasonto ngokungena kwalezinkunzi ze-Betway Premiership kanti amanye amaqembu adlulele kuma Quarter-Finals yi Durban City , Marumo Gallants , Supersport United ne Stellenbosch. Akwaziwa mbhantshi kujiya ngomdlalo we Royal AM ne Midfold FC , iqembu leThwihli Thwahla libhekene nesambane , kuthiwa likweleta uSARS izizumbulu zamarandi , isimo sibi futhi simazonzo eqenjini likaMaMkhize udaba lwabo lusenkantolo bathi kungenzeka lidayiswe leliqembu lakwa KwaZulu Natal kukhokhelwe uSARS.
ISundowns ibhaxabule izinsizwa ezigijima kuMotsepe Foundation I-Mpheni Home Defenders
ngamagoli amabili eqandeni ashaywe u-Tashreeq Mathews no Bathusi Aubass , iPirates italabhe I-Baroka FC ngamagoli amathathu kwelilodwa, amagoli eZimnyama amathathu ashaywe uTshegofatso Mabasa kanti elokubika leBaroka lishwaywe uSydney Malivha , iDurban City iqumbe phansi i-TS Galaxy ngamagoli amabili kwelilodwa , amagoli eCity ashaywe uJoslin Kamatuka no Senzo Ndlovu kanti ele-TS Galaxy lishwaywe u Dzenan Zajmovic , uSuthu olumabheshankone Amazulu FC lukhishwe kabuhlungu iMarumo Gallants ngegoli elilodwa eqandeni elishaywe uJunior Zindoga.
NgoMsombuluko ntambama ngomhlaka 17 kuMashi aqhathiwe amaqembu azodudulana kuma Quarter Finals eNedbank , iChiefs izogadulisana n Stellenbosch , IPirates itomule Amatsantsantsa ePitoli iSupersport United , ezaseThekwini iDurban City izogadulisana neMarumo Gallants kanti kulindwe izinqumo senkantolo phakathi kwe Royal AM , Sekhukhune United , Milford FC neMamelodi Sundowns
