SBUH MAMBAH
UNdunankulu waKwaZulu-Natal uThamsanqa Ntuli wamukelwe ngengoma emnandi nokudansa ngesikhathi kuvulwa ngokusemthethweni umqhudelwano wokuqala wePremier’s Netball Cup, e-Victoria Mxenge Hall eMlazi, mhla zingu-6 Mashi 2025.
UNdunankulu uNtuli ubephelezelwa uNgqongqoshe wezeMidlalo, ezobuCiko namaSiko uMntomuhle Khawula kanye nePhini leMeya yeTheku uCllr. Zandile Myeni kulo mqhudelwano bekuhloswe ngawo ukuqhakambisa ukuthuthukiswa kwezemidlalo nokufukula ithalente lentsha esifundazweni sonke.
