Uhlelo lwe-SALGA-KZNDSAC Games luqale ukuze kubhekwane nokukhathazeka okukhulu mayelana nentsha engazibandakanyi nokuzivocavoca, kanti le midlalo iphinde ihlonishwe ngokuveza amakhono ezindaweni ezehlukene kubo bonke oMasipala beziFunda esiFundazweni.
Abadlali abaningi abadumile ikakhulukazi ebholeni nasesibhakeleni nabo bayimikhiqizo yalo mqhudelwano.
Ezinye izinjongo ezibanzi ze-SALGA KZN DSR Games ukukhuthaza ubumbano emphakathini kanye nokuthuthukisa ukubambisana phakathi koMasipala beziFunda abahlukene ngezemidlalo nokungcebeleka.
UMasipala waseNewcastle uzitholele ithuba lokusingatha lemidlalo eqale ngoLwesine ezogoqwa kusasa ngoMgqibelo kanti emidlalweni ebikhona bekuhlanganisa Chess, Isibhakela, ibhola lezinyawo elabesifazane nabesilisa, uMlabalaba, Volleyball, ibholamqakiswano neminye.
