SAMUKELISIWE MBONAMBI
Abagqugquzeli bomqhudelwano weWorld Table Tennis Championships ozoba seThekwini ngoMeyi,babambe umcimbi wokuqeda izinsuku ezingu-84 waqala lo mqhudelwano eThekwini, okuwuphawu lweminyaka engu-84 wagcina ukusingathwa e-Afrika e-Egypt.
Umncintiswano lapha eNingizimu Afrika uzosingathwa iTheku e-ICC. Le midlalo izoqala ngokuqhathwa kwamaqembu ngomhlaka 18 kuMeyi bese kulandela umqhudelwano wangempela ngomhlaka 20.
UMengameli we-SA Table Tennis, uJoe Karrim, uthe njengoba uMeyi kuyinyanga yase-Afrika, lo mqhudelwano uzophinde ube yindlela yabo yokugubha le nyanga. Ekhulumela iTheku, uMnu. Vusi Mazibuko uthe njengabantu baseThekwini bakuthokozele kakhulu ukuvulela umhlaba wonke, ikakhulukazi uma bebheka isibalo esikhulu samazwe azobe ekhona. Uthe okumqoka kakhulu wukuthi ngemuva komqhudelwano kumele sibone ukwanda kwabantu kwi-table tennis.
